1 Lárigiñe aba líchugun Dawidi hama lábutigu eseriwiduni lidan kultu barasegu houn lirahüñü Asafü, Emán, luma Hedutún, ha me asubudiragüdübaña uganu lúmagiñeti Bungiu áfareina sun tuwuyerigu árüpa, luma pülatíyu gamuriti. Anihán hiri ha adügübalin barasegu le.

2 Hádangiñe lirahüñü Asafü: Hakuru, Hosé, Netaníasi luma Asaréla. Asafü le háguchi ligía hábutibei, ligíaha asubudiragüdübalin uganu lúmagiñeti Bungiu lábugiñe lererehan urúei.

3 Sisi lirahüñü Hedutún: Gedalíasi, Serí, Isaíasi, Simí, Asawíasi luma Matatíasi. Hedutún le háguchi, ligía hábutibei, ligíaha asubudiragüdübei uganu lúmagiñeti Bungiu, áfareina árüpa lun leteingiruni Bungiu luma lun lalawahani.

4 Lirahüñü Emán: Bukíasi, Mataníasi, Usieli, Sebueli, Heremótu, Ananíasi; Ananí, Eliatá, Gidalüti, Romamüti-éserü, Hosubekása, Malotí, Otirü luma Masiotu. 5 Sun ha, lirahüñü Emán, profeta le eseriwidubei lun urúei según meha füramasei le ladügübei Bungiu lun luagu líchuguba lan erei lun luma lubuidun igaburi; katorusuñanu isaanigu wügüriña líchugun Bungiu lun Emán hama ǘrüwa isaanigu würiña. 6 Háguchi hábutibei sun hagía dan le heremuhan ténpulurugu áfareina pülatíyu gamuriti árüpa tuma gidara.

Asafü, Hedutún luma Emán, lábugiñeñanu meha lugumadin urúei. 7 Hadan sun áfarutiña hau sun hábirigu ha geremuhadibaña lun Bungiu, bián-sánñanu-bián-wein-widü.

8 Ábati lafanreinhóun lidaani eseriwiduni luagu ubunuruni hadan súngubei, dandu wéinamuhaña kei ñǘbürigiña, máisturugu hamá yebe o afurendeirutiña lan.

9-31 Lárigiñe lasagarún ubunuruni, ítara liña ligaburi herederun lúmagiñe aban lumoun wein-gádürü:

Hosé,

Gedalíasi,

Sakuru,

Isürí,

Netaníasi,

Bukíasi,

Hesaréla,

Isaíasi,

Mataníasi,

Simí,

Asaréli,

Asawíasi,

Suwaeli,

Matatíasi,

Heremótu,

Ananíasi,

Hosubekása,

Ananí,

Malotí,

Eliatá,

Otirü,

Gidalüti,

Masiotu,

Romamüti-éserü.

Kada aban hádangiñe hau líbirigu hama lisaanigu, dúusuñanu.