10 Uyo Mulungu yo amupelaga mulimi nyadikwa ya kuyala na chilyo cha kulya*9:10 Yandikwe mu chitabu cha Isaya 55:10 kuta Mulungu amupelaga mulimi nyadikwa na chilyo., na hihyo akuvagavasila na kuvalutitsila na henye nyadikwa tsenyu tsa kuyala na kaha akutsotetsa na kutsikalagatsa, na kudita mubete filyo fyolofu kwasawuli ya uwo wuwuya wenyu. 11 Nayo Mulungu akuvadita muve vafuchifu kwa chila chinu ili muve vanya lusungu chila luvala, ili kukolela kwa henye mwene alumbwe kwasawuli ya fifunje fyo mwaboche kuhuma kwa hetwe.