5 Ihyo Petulo hoavaga ang’acha ali munyumba ya vawopwa, nacho chikundi cha vanya litumbilo lya Chilisito chikamusuchilaje ndalahela kwa Mulungu.
7 Luvala lulo akahumilaje mutantsi va kilanga va Mulungu na kwima habehi na Petulo na mwangatsa gukang’alikaje mu chumba cha nyumba ya vawopwa. Mutantsi va kilanga va Mulungu akamudometsaje Petulo mulubafu na kumulamusa na akalongaje, "Wangufitse uwuche!" Luvala lulo nyololo tsikawopokaje na kugwa hasi. 10 Vakalutilaje ha lwimililo lulongola na lwa kavili na vakafikaje mbaka ha lwitsi lwa chuma lwa kwinjilila ku mujini. Lwitsi ulo lukadindukaje lwene, nawo vakalutilaje iho vakahumaje kivala. Hovavaga mung’asi yula mutantsi va kilanga va Mulungu akamulekaje Petulo. 12 Petulo hoavaga kutsela ihyo akabitaje mbaka ku kaye ya Maliyamu yuve va Yohana yo achemwaga litawa linji Maliko. Uko kwavaga na vanu wolofu vakong’ine kumusuka Mulungu. 13 Petulo hoavaga kuhodetsa ha lwitsi lukomi lwa kivala, muhintsa mupogotsi litawa lyake Loda, akabitaje ili amudindulile. 14 Nayo uyo muhintsa hoavaga kulitsela litsi ilyo kuta lya Petulo, akahechelelaje ndalahela na kuleka kumudindulila lwitsi akabilimilaje mu nyumba na kuvalonjela vanu kuta Petulo ali ha lwitsi lwa kwinjilila anhodetsa. 15 Vene vakamulonjelaje muhintsa yula, "Una lukwale heve!" Lechelelo mwene akagwadilaje kuvalonjela kuta nye wukweli. Ino vene vakawilaje kumulonjelaje kuta, "Uyo akuva mutantsi va kilanga va Mulungu." 16 Lechelelo luvala ulo Petulo endelelaga kuhodetsa, hambele nawo vakadindulaje lwitsi na vakamuwonaje kuta yo mwene, ila vene vakapomokaje ndalahela.