Atos 2

Kutsa kwa Muhe va Mulungu

1 Hoyavaga kufika siku ya liwungo lya *2:1 Pendekosite yo siku ya hamsini kuhuma liwungo lya PasakaPendekosite vanu wo vamutumbye Chilisito vavaga vakong’ine hono hamwe. 2 Luvala lulo kukahumilaje chibumo kuhuma Kilanga cho chavaga kota ng’ala ngomi, chikayimemyaje nyumba yeka mo vavaga vichite. 3 Kaha fikahumilaje finu fyo fyawonekaga kota filapi fya moto, fikagavikaje na kuva mwilanga mwa chila munu. 4 Vanu veka vakapelwaje wuvetso na Muhe va Mulungu, na kwantsa kulonga kwa kabila tsinji, kota Muhe va Mulungu fyo avatantsile.