João 20

U Yesu akumubonekela u Maliya Magadalena

11 Loli u Maliya akimilila kusi pimbumba nu kulila, bo akali akulila akananamila nukutesya mwipumba, 12 po akabatesya abandumi babili bafwete imyenda imiswepu, bikile po umubili wa Yesu ghukaghona, yumo kumutu yumo kufinama. 13 Bakamulalusya umukolo yula bakati, "Wee mukolo, choni cho ukulila?"

Umwene akabamula akati, "Chifukwa bamufumisyemo u Malafyale wangu, sona ndakumanya nako bamubikite." 14 Bo ayugha isi, akaghalabukila kunyuma akamutesya u Yesu imilile, loli atakamumanya ukuti we Yesu. 15 U Yesu akayugha kumukolo yula akati, "Wee mukolo, imba choni cho ukulila? Ukumulonda we wenu?"

Umwene akinong’onagha ukuti mulimi, akamubusya akati, "Malafyale, pala wewe umunyamwile mbusya ko umubikite, une nguya pakumusenya."

16 U Yesu akayugha ku kwake akati, "Maliya!"

Akaghalabuka nukuyugha muchihebeli akati, "Laboni!" (Cho chikung’anamula ukuti, "Mumanyisi"). 17 U Yesu akayugha akati, "Utakangolaghe une, pakuti ngali ndakwelite kwa Tata, loli buka kubamanyili ububasye ukuti nyamukite pakubuka kwa Tata wangu, yo we Tata winyu, kwa Chala wangu, sona u Chala winyu."

18 U Maliya Magadalena akabuka ku bamanyili akati, "Namutesya u Malafyale." Sona akababusya ukuti weyuyo yo abumbusya ifindu fififi.