João 20

U Yesu akumubonekela u Tomasi

24 U Tomasi uwa yumo mubamanyili twelovu, yo bakamwitisyagha ukuti mapasa, atakaba nabo poka abamanyili po u Yesu akisa. 25 Po abamanyili abangi bala bakamubusya bakati, "Twamutesya u Malafyale!"

Loli umwene akababusya akati, "Pene po natesya amabala agha misumali munyobe syake nukubika akafingwi kangu, sona nukubika inyobe syangu palubafu lwake, ndakwisa pa kusubila."

26 Boghakinda amasiku eyiti abamanyili bake bakabuka sona munyumba, wepe u Tomasi akaba nabo mula mula. Napo ifighi fighalika, u Yesu akisa nukwimilila pakati, akayugha akati, "Umutende ghube numwe." 27 Po u Yesu akamubusya u Tomasi akati, "Bika akafingwi kako kuno, utesye inyobe syangu, senya inyobe yako umbike pa lubafu lwangu, utakabe wa kukayikila loli usubile."

28 U Tomasi akamula akati, "Malafyale wangu, sona Chala wangu!" 29 Po u Yesu akamubusya akati, "Imba wasubila chifukwa wandesya une? Basayiwa bo bakusubila bo batatesisye."