13 Tapi malaikat hiyo kuhui, "Ada takut, Jakaria! Allah haot kiringo doa nu. Ohe nu Elisabet sagar nganak isa nikia laki. Nu harus ngokoi aranne Yohanes. 14 Nu sagar begoh bebene. Deo lun lain sagar uma begoh ganane lahir. 15 Kon begoh gana nikia hiyo sagar jari lun penting tei tama Tuhan. Ne bujur-bujur mo sagar kinum angur atawa kinum sa lain sa pahamui. Roh Allah sagar talalahui ngilinung ne neke waktu ne eso tei huang sanai inaine.