LUKAS 10

Perumpamaan lun Samaria sa asuh aheng

25 Tahui, naan guru agama Yahudi mindri de nompojok Yesus. Ne tane, "Bapa Guru, hiye sa harus dakawi ku de tau welum selamane?"

26 Yesus nyamut, "Hiye sa tunulis huang Hukum Taurat? Hiye pendapat nu tentang sa kanabasa nu tei hiyo?"

27 Lun hiyo nyamut, "Sinta lukun Tuhan Allah nu lukun kongoreng aheng nu, kongoreng jiwa nu, kongoreng kukuatannu lukun kongoreng pikirannu, lukun sinta sasamanu ngunau nu sinta arep nu gagalo."*10:27 Neke buku Ulangan 6:5

28 Uhui Yesus, "Samut nu hiyo bujur. Awi hiyo, maka nu sagar welum."