Lucas 18

Perumpamaan walu lukun hakim

1 Yesus pakai perumpamaan ti de ngalajar murid-murid Ne de talalahui bodoa lukun mo putus asa. 2 Uhui-Ne, "Naan hakim sa muneng tei kota. Ne mo takut lukun Allah, mo pruduli lukun lun lain. 3 Tei kota sa sama naan walu, sa talalahui hulet tong hakim hiyo de onok prakara ne kenebela. ‘Uhui ne onok awat de ngalawan musuh ku. Gawi keputusan sa adil huang prakara ti." 4 Pipire waktu kengela ne hakim hiyo mo kakan awat walu hiyo. Tapi akhirne hakim hiyo bipikir, ‘Mla ku mo takut lukun Allah lukun mo pruduli lukun hiye bo, 5 tapi gana walu ti talalahui bo ngaharek ku, labih asuh ku ngebela prakara ne. Amun mo, ne talalahui hulet lukun peheka ku.’"

6 Tahui Tuhan kuhui, "Teau hiye sa dukuhui hakim sa mo adil hiyo! 7 Nah, hiye Allah mo sagar ngampang prakara umat-Ne sa mohon tong-Ne kandrau lukun kiwa? Hiye ne ngulur-ngulur waktu de awat ire? 8 Subujurne ne, Allah sagar gawi sa adil dela ire, tapi waktu Anak Mirisia hulet waleng tong dinia ti, hiye sagar naan lun-lun sa prasaya lukun-Ne?