Lucas 5

18 Tei waktu hiyo pipire lun hulet koit isa lun sa lumpuh sa panakading tei hamau apai. Ire burusaha koit lun hiyo tong huang blai de inuh panakading ne tei tama Yesus. 19 Tapi ire mo tau huluk gana pahalau deo lun. Jari ire koit ne mamai tong moh tahui gawi luang tei hapau. Ire pikinau ne dayo lukun apai, tahui panakading tei botuk lun deo hiyo pas tei tama Yesus.

20 Rahat Yesus neau ire bujur-bujur prasaya lukun-Ne, Ne bapaner lukun lun lumpuh hiyo, "Puloksanai, dosanu haot kanampun." 21 Guru-guru agama lukun lun-lun Parisi malai paner isa lukun sa lain, "Hiye lun ti sa hampe maleh ngihina Allah? Hiye sa tau ngampun dosa, salain Allah?"

22 Yesus tanau pikir ire, tahui bapaner lukun ire: "Hiye sa senehu nu huang aheng nu? 23 Hawe sa labih murah, kuhui, ‘Dosa nu haot kanampun’, atawa kuhui, ‘Sele lukun malan!’? 24 Tapi hayakti, Ku putundru tong kon amun Anak Mirisia*5:24. ‘Anak Mirisia’ nehiyo galar dela Yesus. Ne nehiyo lun sa haot dukuhui tei jaman hurap huang Kitab Daniel 7:13-14. Galar hiyo artine Yesus penerentah awi Allah, lukun ne gin mirisia. bukuasa ngampun dosa tei dinia ti." Tahui Yesus kuhui lukun lun sa lumpuh hiyo, "Buat, engkat apai nu, tahui mudi bo!" 25 Tuli ne buat tei tama kongoreng lun, ngengkat apai uneng ne kading, tahui mudi sansaluh nango Allah.