Lucas 7

31,32 Uhui Yesus, "Lun-lun jaman ti sama ngunau nikia-nikia sa gawiayam tei pasar. Nikia-nikia hiyo maharung bapaner lukun suara sa pehes lukun tuyang-tuyang, ‘Kamin nyiup suling, tapi kon mo nandrik! Kamin manyanyi lagu dat sehu, tapi kon mo nangis!’*7:31-32 Ti ngejelas amun gawian Yohanes lukun Yesus mo susuai lukun pangakan lun-lun jaman hiyo. 33 Yohanes Pembaptis hulet, mo kuman roti, mo kinum anggur, tapi kon kuhui ne kanarasuk setan. 34 Libas hiyo Anak Mirisia hulet, Ne kuman, kinum, tapi ire kuhui Ne paragos, pamabuk, butuyang lukun kawal panagih pajak lukun lun lain sa bodosa. 35 Tapi akal pikir neke Allah sagar ngubukti bujur awi kongoreng lun sa nirimene."

Yesus tei blai Simon

36 Naan pimimpin agama Yahudi neke kolompok Parisi sa baaran Simon. Ne ngunang Yesus tong blaine de kuman dadayo. Jari, Yesus hulet tong blai lun Parisi hiyo, tahui maharung kuman. 37 Naan wawei sa mantarung tei kota hiyo gana welum huang dosa. Rahat ne kiringo Yesus rahat kuman tei blai lun Parisi hiyo, hulet ne koit kasa sa biisi minyak harum sa paling larang.