LUKAS 8

Wawei-wawei sa kawat gawian Yesus

1 Mo ela libas hiyo, Yesus tulak neke kota tong kota, neke leu tong leu, ngibirita Kabar Asuh tentang Kerajaan Allah.*8:1 Isi Kabar Asuh tentang Kerajaan Allah sukup deo, tapi sala isa hal sa penting nehiyo Yesus ngubukti bahwa Ne nehiyo Raja Panyalamat. Ne haot hulet de nengau alan de lun-lun tau sanalamat neke hukuman dosa. Kuduablas rasul-Ne uma dadayo. 2 Naan deo wawei sa uma. Ire haot panamaeh neke baramasam reten lukun roh-roh jahat. Ire nehiyo Maria sa dukuhui Magdalena (pitu roh jahat haot kunusir nekene); 3 lukun Yohana ohe Khusa. Khusa hiyo nehiyo pagawai istana Herodes; Susana, lukun deo wawei sa lain. Kongoreng wawei sa uma Yesus ngokoi neke harta la ire de ngawat Yesus lukun murid-murid-Ne.