27 Ringo! Neke kongoreng kon naan lun sa mo sagar matei samale neau Kerajaan Allah.9:27 Naan telu kemungkinan atawa labih de rahat ire neau Kerajaan Allah. 1) waktu pipire rasul-Ne tau neau kemuliaan-Ne tei gunung (ayat 28-36), 2) waktu-Ne matei tei kayu salib tahui welum waleng, ATAWA 3) waktu Roh Allah ngokoi ire kuasa (Kisah 2).
Yesus dimuliakan
28 Kikira walu andrau libas Yesus nguhui hiyo lukun ire, Ne mamai tong hamau gunung de bodoa. Ne koit Petrus, Yohanes lukun Yakobus lei. 29-32 Tapi tei anai Petrus lukun tuyang-tuyangne tapakandre.
Rahat Yesus bodoa, tadah rai-Ne alih, malai huang kemuliaan lukun jubah-Ne jari bura berkilau-kilau. Selenga naan rueh lun, nehiyo nabi Musa lukun nabi Elia sa peleha arepne huang kemuliaan lukun bapaner lukun Yesus tentang kapatei-Ne tei kota Yerusalem, sa mo ela eso sagar jari tei-Ne susuai lukun ransana Allah.
Tei hayak hiyo lei, Petrus, Yohanes lukun Yakobus sele. Ire neau Yesus huang kemuliaan, lukun kurueh nabi hiyo mindri tei iring-Ne.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)