1 Nda̱wa̱á a̱ꞌkhue̱n ni̱dxawuun ná mikhuíí, asndo xómá a̱ꞌwúún xa̱bo̱ tsí phú mbaꞌiin mi̱ndaꞌkho jaꞌnii, tsí nuthan ajngáa ríge̱ꞌ:

«¡A̱gu̱ma-mba̱a̱ Ana̱ꞌlóꞌ!

Ikhaa̱ neꞌne-jríñáa̱ꞌlóꞌ,

ikhaa̱ jaꞌyoo̱ rí ma̱grui̱guíi̱ gamaku, naꞌnii̱ rí phú wáá,

jamí ikhaa̱ phú gíꞌdoo̱ tsiakhe̱.

2 Numuu rí Ana̱ꞌlóꞌ naxudaa mújúun awan jamí jmbu ga̱jma̱á numúú xa̱bo̱.

Ikhaa̱ niꞌnii̱ rí ma̱grui̱gú jamínu̱ꞌ a̱ꞌgo̱ tsí na̱ngu̱jwa̱-mina̱ꞌ mi̱ndaꞌkho,

tsí nibóo gajmíí mbaꞌiin xa̱bo̱ jamí neꞌne-maꞌkhíi numbaa.

Ana̱ꞌlóꞌ neꞌne rí mamínu̱u̱ꞌ a̱ꞌgo̱ tsúꞌkhue̱n,

kajngó ma̱ꞌne-numaa̱ rí ni̱gu̱díi̱n yumbée Ana̱ꞌlóꞌ».

3 A̱ꞌkhue̱n nithee̱n mbu̱júꞌ:

«¡A̱gu̱ma-mba̱a̱ Ana̱ꞌlóꞌ!

Numuu rí jámuu ma̱we̱je̱ gúniúu rí nakhaa a̱ꞌgo̱ tsúꞌkhue̱n».