Rí wasngájma 22

1 Nda̱wa̱á nisngájmiꞌ ánje̱l mbá matha rí naꞌne rí mbuya jámuu xa̱bo̱. Nambiꞌi-taꞌa ne̱ xómá iyaniwan, jamí nagájnuu ne̱ ná ꞌgí xíli̱i Ana̱ꞌlóꞌ ga̱jma̱á máꞌ A̱ꞌdá-mógó. 2 Nagáyuu ne̱ ná ti̱kua̱pho̱o̱ jamba̱a̱ ma̱jña̱ꞌ rí kri̱ga̱ ná awúun xuajen. Mbámbá kri̱doo matha wéje̱ ixe̱ rí naꞌne rí ma̱ju̱wá jámuu xa̱bo̱, rí naxná xndúu mbámbáa go̱nꞌ, mbá gu̱wa̱ꞌ i̱jma̱ (12) nothon rí mbá tsigu. Xómáꞌ inúu ne̱ ñajuun thana rí ma̱ꞌni̱i a̱kui̱ín xa̱bo̱ tsí júwa̱ꞌ ná numbaa. 3 Náxáríga̱ rí mi̱ꞌxná-máꞌíin xa̱bo̱ ná awúun xuajen rúꞌkhue̱n. Ikhín ma̱ge̱ꞌe̱ xíli̱i Ana̱ꞌlóꞌ ga̱jma̱á máꞌ A̱ꞌdá-mógó, jamí tsí ñajúún yumbée̱ mune̱-mba̱ꞌwi̱i̱. 4 Mbá xúgíi̱n mbuyáa̱ jmína̱a̱ꞌ Ana̱ꞌlóꞌ, jamí ma̱gi̱ꞌma mbiꞌyuu̱ ná jédúu̱n. 5 Náxáríga̱ mbroꞌon ikhín. Jamí tsí ma̱ju̱wá ikhín ma̱xáꞌyóo rí ma̱mbiꞌñúu̱ agu, ni máꞌ ma̱xáꞌyóo aguu a̱kha̱ꞌ, numuu rí ma̱mbiꞌñúu̱ máꞌ ga̱jma̱á aguu Ana̱ꞌlóꞌ Mikhuíí, jamí ikhii̱n muthan-ñajwii̱n jámuu mbiꞌi.