15 Ikhúúnꞌ na̱ne̱-núwíinlo̱ꞌ ñajun rí nathane̱, jamí nda̱yo̱o̱lo̱ꞌ rí na̱nguá mika a̱kia̱anꞌ xtayoꞌ ni máꞌ na̱nguá nguíꞌtsín ne̱. I̱tha̱án máꞌ máján xí numuu rí mika a̱kia̱anꞌ o mbáko máꞌ xí nguíꞌtsín ne̱ mbo̱ꞌ. 16 I̱ndo̱ó máꞌ numuu rí na̱nguá mika ni máꞌ na̱nguá nguíꞌtsín a̱kia̱anꞌ xtayoꞌ, rí wáa jayu mika ne̱, ikhaa numuu rúꞌkhue̱n ma̱xe̱ꞌ-ri̱ñáaꞌlo̱ꞌ ná rawunꞌ. 17 Ikháánꞌ narathán: "Ikhúúnꞌ ñajunꞌ xa̱bo̱ tsí phú gíꞌdoo, mbá xúgíí gúꞌdo̱ꞌlo̱ꞌ jamí nda̱a̱ rí iꞌyóꞌlo̱ꞌ". Tsíthayáá rí na̱nguá xtaa gagi, rí mingínááꞌ, rí nda̱a̱ rí xtaꞌdáá, rí tsífriga̱a̱ꞌ jamí tsaꞌtsáán nda̱a̱ xtíñaaꞌ.
20 Atadxawíín, ikhúúnꞌ wáju̱nlo̱ꞌ ná xkrugua jamí na̱tha̱n-ráꞌalo̱ꞌ. Xí mbáa nadxawuun a̱ꞌwóꞌ jamí narmáꞌthoo̱ xkrugua, a̱ꞌkhue̱n rí ma̱to̱ꞌo̱ꞌ jamí ma̱kuéꞌtsó-añuꞌlo̱ꞌ ga̱jma̱á nindxu̱u̱.