Rí wasngájma 6

A̱ꞌdá-mógó narakhúu akho̱ tsinuu i̱yi̱i̱ꞌ jambúxu̱u̱ꞌ

1 Ído̱ ndi̱yo̱o̱ rí A̱ꞌdá-mógó nirakhúu timbá tsinuu i̱yi̱i̱ꞌ, a̱ꞌkhue̱n ni̱dxawuun rí nandxaꞌwá mbáa tsí akhu̱un mbo̱ nduya. Phú gakhe̱ indxaꞌwée̱, xómá nawán ído̱ rí naxpíbi. Xáꞌnii niꞌthée̱n: «¡Aya̱ jamí atiaxe̱!».*6.1 Ríga̱ mbá tikhu i̱yi̱i̱ꞌ griégo̱ rí wayuu rí naꞌthán i̱ndo̱ó máꞌ «Aya̱». Jamí xkuaꞌnii máꞌ ka̱ma ná kíxnuu 3, 5, jamí 7 mangaa. 2 A̱ꞌkhue̱n ni̱ya̱xe̱lo̱ꞌ, ndi̱yo̱o̱ mbáa guáyo̱ miꞌxáa, jamí xa̱bo̱ tsí ríguu̱ jayá mbá xkamídá. Nijanáa̱ mbá ajwa̱nꞌ gamaku rí jndi kajngó maꞌthán-ñájwii̱n, numuu rí ni̱ꞌngo̱o̱ inúú tsí neꞌne gajmíi̱, jamí nigájnuu̱ rí ma̱ꞌngo̱o̱ xóó.