1 Aza a na a fara zuwai ukere aatagada a nzuwulai'i ele ɗa:

Nehemiya gwamna ulobo wa Hakaliya na̱ Zedekiya.

2 Apa ala a nan ganu a na a zuwai ukere.

Seraya na̱ Azariya na̱ Irimiya.

3 na̱ Pashihu na̱ Amariya na̱ Malkiya,

4 na̱ Hatush na̱ Shebaniya na̱ Maluk,

5 na̱ Harim na̱ Meremo na̱ Obadiya,

6 na̱ Daniya na̱ Gineton na̱ Baruk,

7 na̱ Meshulam na̱ Abiya na̱ Mijamin,

8 na̱ Ma'aziya na̱ Bilgai oɓolo na̱ Shemaya.

9 Apa ala a nan Levi a na a zuwai ukere.

Jesuwa ulobo wa Azaniya na̱ Binuyi limatan va Henada na̱ Kadimiye,

10 oɓolo na̱ a̱za̱ e le Shebaniya na̱ Hodiya na̱ Kelita na̱ Pelaya na̱ Hanan,

11 na̱ Mika na̱ Reho na̱ Hashabiya,

12 na̱ Zaku na̱ Sherebiya na̱ Shebaniya,

13 na̱ Hodiya na̱ Bani na̱ Beninu.

14 Apa ala azagbain a na a zuwai ukere.

Parosh na̱ Paha Mowa na̱ Elam na̱ Zatu na̱ Bani,

15 na̱ Buni na̱ Aziga na̱ Bebai,

16 na̱ Adonija na̱ Bigivai na̱ Adin,

17 na̱ Ata na̱ Hezekiya na̱ Azu,

18 na̱ Hodiya na̱ Hashum na̱ Bezai,

19 na̱ Harif na̱ Anato na̱ Nebai,

20 na̱ Magipiyashi oɓolo na̱ Meshulam na̱ Hezi,

21 na̱ Meshezabe na̱ Zadok na̱ Yaduwa,

22 na̱ Felatiya na̱ Hanan na̱ Anaya,

23 na̱ Hosiya na̱ Hananiya na̱ Hashu,

24 na̱ Haloheshi na̱ Pilha na̱ Shobek,

25 na̱ Rehum na̱ Hashabana na̱ Maseya,

26 na̱ Ahiya na̱ Hanan na̱ Anan,

27 na̱ Maluk na̱ Harim oɓolo na̱ Ba'ana.

28 Akapi a ama, nan ganu na̱ nan Levi na̱ a̱za̱ e ipiri yi na̱ntsu na ashipi na agbashi a̱ A̱a̱'isa̱mapaɗa oɓolo na ama a na a kasai aciyele na ama e iɗa'a adama a yuwan tsutoni na̱ wila̱ wa̱ A̱sula̱. Ele nda suru oɓolo na̱ a̱ma̱ci na̱ muwun n le olobo na̱ esheli na aza na suru a gura uwwa e reve ili i na aa dansa. 29 Reve suru o ɓolo aci na̱ a̱za̱ e le azagbain a̱vu a yuwan akucunu nu una̱ u na wee reme le na̱ a̱ kuɗa̱ a̱ kuru wila̱ wa̱ A̱sula̱ u na a cayi e ekere a Musa aagbashi a̱ A̱sula̱. Reve a kucuna a na a yuwan tsutoni, waru o toni wila̱, nu dammu, na̱ wila̱ wa̱ A̱sulazuva A̱sula̱ e le. Reve a damma,

30 <<Tsu yuwan ta̱ nzuwulai n na tsa ca muwun ma̱ esheli n tsu lolo e ekere a nɗa n na n ri uka̱nda̱ruwu na̱ a̱tsu shi, waru tsa lyawa muwun mo olobo n tsu n zuwa muwun ma̱ esheli n le shi.✝

31 Waru n na ama e iɗa'a a̱ ta̱wa̱a̱ ni itana i le ya wina, ko ishina i le adama a na a wina o urana wa Ashibi ko a̱tsuma̱ o uranu u ro wa akiza, tsaa tsula o ukere u le o urana wa Ashibi shi.✝ Waru a aa'wan e cindere suru tsaa yuwan cimba va̱ a̱ɗuma̱ a̱ tsu shi, waru tsu ta yuwan gafura vu cu'un vu utan biti.

32 <<Tsu zuwa ta̱ okolo za suru a̱tsuma̱ a̱ tsu u ta ca makundatsu ma gera n ton ma zinariya aa'wan suru adama o ulinga wa̱ A̱a̱'isa̱mapaɗa a̱ tsu.✝ 33 Na adama o opopofu a na a tawai na̱ kucci vi ishina vu urana suru ni iliyamunga adama o ucasu u kucci vu ukula̱tosu vu urana suru, na adama a̱ kucci vu urana wa Ashibi na adama a̱ a̱buki o Woto u Sa'avu, na̱ a̱za̱ a̱ a̱buki a na a zuwai, na adama a̱ kucci va akiza o ro na̱ kucci matara mo ume mo unusu wa ama a Isra'ila, na adama a linga vu u'wa wa̱ A̱sula̱ a̱ tsu suru. 34 A̱tsu nan ganu na̱ nan Levi oɓolo na ama a na a buwai tsu zuwa ta̱ agita, adama tsu reve mantsa ma na ugundo suru wa̱a̱ ta̱wa̱a̱ na̱ ɗanga o u'wa wa̱ A̱sula̱ a̱ tsu, a mantsa ma na a̱ tsu ta̱wa̱a̱ a̱tsuma̱ a aa'wan suru aza a na a̱a̱ kula̱to a masa'a ma̱ A̱sulazuva A̱sula̱ a̱ tsu, cine u ri uɗanu a̱tsuma̱ a̱ Wila̱. 35 Waru tsu tara ta̱ o okolo a̱ tsu, tsu ta̱ ta̱wa̱a̱ nu umatsun wu ufaru wi itana ya̱ a̱ɗuma̱ a̱ tsu, nu umatsun wu ufaru vu ɗanga suru o u'wa wa̱ A̱sulazuva aa'wan suru.✝ 36 Tsu ta̱ ta̱wa̱a̱ na̱ muwun mu ufaru mo olobo n tsu na̱ za vi inan i tsu, na̱ za vi ikyon na̱ vu mgbele n tsu uba̱ta̱ u nan ganu o u'wa wa̱ A̱sula̱ a̱ tsu cine u ri uɗanu a̱tsuma̱ a̱ Wila̱'a̱.✝ 37 Waru tsu ta̱ ta̱wa̱a̱ o uzuwata wu U'wa wa̱ A̱sula̱ umatsun wu ufaru wa̱ a̱ɗuma̱ a̱ tsu. Tsu ta̱ ta̱wa̱a̱ nan ganu yira yu umatsun wi ishina na̱ vu umatsun wu uɗanga suru na̱ za masayan ma̱ ina̱bi na̱ mani'in ma̱ Zetun.

<<Waru tsu ta̱ ta̱wa̱a̱ nan Levi za ta̱ a̱tsuma̱ a kupa vi itana ya̱ a̱ɗuma̱ a̱ tsu, aza a na a̱ tsu ushi za ta̱ a̱tsuma̱ a kupa vi ilyuci suru.✝ 38 Ganu za vu ugundo wa Haruna u ta̱ da̱na̱ oɓolo na̱ nan Levi a mantsa ma na a̱ ushishi za ta̱ a̱tsuma̱ a kupa. Nan Levi ɗa a̱ ta̱wa̱a̱ na̱ za ta̱ a̱tsuma̱ a kupa'a o U'wa wa̱ A̱sula̱ a̱ tsu, a̱ tyo a aasula e izuwa. 39 Ama a Isra'ila oɓolo na̱ nan Levi a̱ ta̱ ta̱wa̱a̱ na akunda e ishina na̱ masayan ma̱ ina̱bi na̱ mani'in ma̱ Zetun a aasula e izuwa uba̱ta̱ u na aa zuwusa itana wu uba̱ta̱ wa akiza, waru uba̱ta̱ u na nan ganu na aa yuwusan a̱ga̱nda̱ na̱ a̱za̱ e ipiri yu una̱ntsu na ashipi a tsi isawan. Tsaa vari U'wa wa̱ A̱sula̱ a̱ tsu shi.>>