1 Azagbain a aza a Isra'ila gba a̱ da̱nu ta̱ a̱tsuma̱ a̱ Urishelima. Reve akapi a ama a zuwa agita adama o uta̱a̱ limatan ta̱ a̱tsuma̱ a kupa suru za a na a̱ da̱nu a̱tsuma̱ a̱ Urishelima lyuci gbain va akiza, a̱vu kuci na buwai e isawan e ilyuci i le. 2 Ama a zuwaa ta̱ aza a na a cayi aciyele suru a̱ da̱nu a̱tsuma̱ a̱ Urishelima aba'un.

3 Ele nda ele ɗa azagbain a pasu vi iɗa a na a̱ da̱nuyi a̱tsuma̱ a Yahuda na̱ Urishelima, ko na wo o'woi akapi aza a Isra'ila o ro, na̱ nan ganu na̱ nan Levi na agbashi a̱ A̱a̱'isa̱mapaɗa, oɓolo na̱ limatan va aza a na a yuwusaan Sulemanu a̱ga̱nda̱ a̱ da̱nu ta̱ koyan ɗa nu uba̱ta̱ wa̱ yi e ilyuci koko'o a̱tsuma̱ a Yahuda. 4 Apa ala azagbain o upasu wa Yahuza na̱ Banyami a na a̱ da̱nu yi a̱tsuma̱ a̱ Urishelima.

Diga a limatan va Yahuza.

Ataya ulobo wa Uziya mawun ma tsukaya ma Zakariya diga o u'wa wa Amariya ulobo wa Shefatiya ulobo wa Mahalale wu umatsun wa̱ Pere.

5 Maseya ulobo wa Baruk mawun ma tsukaya ma Kohoze diga o u'wa wa Hazaya ulobo wa Adaya ulobo wa Joyarib ulobo wa Zakariya ulobo u vuma va̱ Shilo.

6 A̱bunda̱ ama a̱ Pere a na a̱ da̱nuyi a̱tsuma̱ a̱ Urishelima ele ɗa ama ukpakuna̱shi na̱ kupota̱li na̱ kunla̱ (468). Suru nle a̱za̱ o ucira a ɗa.

7 Diga a limatan va Banyami.

Salu ulobo wa Meshulam mawun ma tsukaya ma Juwed diga o u'wa wa Pedaya ulobo wa Kolaya ulobo wa Maseya ulobo wa Itiyel ulobo wa Yeshaya.

8 A̱za̱ a̱ yi ɗa Gabai na̱ Salai.

A̱bunda̱ ama a Banyami a na a̱ da̱nu yi a̱tsuma̱ a̱ Urishelima ele ɗa ukpakukucci nu ushin na̱ kunla̱ (928). 9 Juwe ulobo wa Zikiri ɗa zagbain le Yahuza ulobo wa Hasenuwa ka̱mbi va̱ yi a̱tsuma̱ a̱ lyuci'i.

10 Diga uba̱ta̱ u nan ganu ele ɗa,

Jedaya ulobo wa Joyari na̱ Yakin,

11 na̱ Seraya ulobo wa Hilikiya mawun ma tsukaya ma Meshulam, ulobo wa Zadok ulobo wa Merayo ulobo wa Ahitu, zagbain vu U'wa wa̱ A̱sula̱, 12 na̱ a̱za̱ a̱ le, aza a na a yuwain ulinga wu u'wa'a ali ukpakukunla̱ nu ushin ne ejere (822), oɓolo na̱ Adaya ulobo wa Yeroham mawun ma tsukaya ma Pelaliya, ulobo wa Amzi ulobo wa Zakariya ulobo wa Pashu ulobo wa Malkiya, 13 oɓolo na̱ a̱za̱ a̱ yi, aza a na a̱ shi azagbain a 'wa ele, ama ukpakure na amunga ne ejere (242) na̱ Amashisai ulobo wa Azare mawun ma tsukaya ma Ahazai ulobo wa Meshilemo ulobo wa Ima, 14 oɓolo na̱ a̱za̱ a̱ yi, aza a na a̱ shi ali o ucira ele ama, ukpaku nu ushin na̱ kunla̱ (128). Zagbain na shi a̱ ka̱lyuwusa̱ le a̱yi ɗa Zabidiye ulobo wa Hagedolim. 15 Diga uba̱ta̱ u nan Levi.

Shemaya ulobo wa Hashub mawun ma tsukaya ma Azirikam ulobo wa Hashabiya ulobo wa Buni. 16 Oɓolo na̱ Shabeta na̱ Jozaba ama e re a̱tsuma̱ a azagbain a nan Levi, aza a na a̱ ri na̱ tsugbain tsu ulinga wa alanga wu U'wa wa̱ A̱sula̱, 17 oɓolo na̱ Mataniya ulobo wa Mika mawun ma tsukaya ma Zabidi diga o u'wa wa Asa, za na shi zagbain matara me ishipa yu ugodyusho a mantsa ma avasa, oɓolo na̱ Bukubukiya za ta̱ a̱tsuma̱ a̱ a̱za̱ a̱ yi za na da̱na̱i kambi va Mataniya. Abada ulobo wa Shamuya mawun ma tsukaya ma Gala diga o u'wa wa Yedutun. 18 Nan Levi a na a̱ da̱nuyi a̱tsuma̱ a̱ lyuci va akiza ele ɗa ama ukpakure na̱ kupakunla̱ na̱ a̱za̱ a̱ na̱shi (284). 19 A̱tsuma̱ a̱za̱ e ipiri yi na̱ntsu ele ɗa,

Akub na̱ Talmon na̱ a̱za̱ e le, aza a na a̱ pirishiyi na̱ntsu ele ama ukpaku na̱ kupocindere ne ejere (172).

20 Akapi a ama a Isra'ila a na a buwai oɓolo na̱ nan Ganu na̱ nan Levi, a̱ da̱nu ta̱ e ilyuci ya Yahuda, koyan ɗa e iɗa ya agadu ya̱ yi.

21 Amma agbashi a̱ A̱a̱'isa̱mapaɗa a̱ shi ta̱ nden Ofe, waru Ziha na̱ Gishipa ele ɗa a̱ shi azagbain e le.

22 Zagbain nan Levi a̱tsuma̱ a̱ Urishelima a̱yi ɗa Uzi ulobo wa Bani mawun ma tsukaya ma Hashabiya ulobo wa Mataniya ulobo wa Mika wu umatsun wa Asa. Limatan n nda ɗa a yuwusan tsugbain va ashipi o U'wa wa̱ A̱sula̱. 23 Mogono ma̱ shi ta̱ ma zuwa cine ashipi'i aa yuwan ulinga u le usana biti. 24 Petahiya ulobo wa Meshezabe diga o umatsun wa Zera ulobo wa Yahuza, a̱yi ɗa u shi ajiya o mogono ma Pasiya a̱tsuma̱ e ili i na i burai ama a Isra'ila suru.

25 Agba adama a̱ mulyuci na atsusa e le, ama a Yahuda o ro a̱ da̱nu ta̱ Kiriyat Arba na̱ mulyuci ma̱ yi na̱ Dibon na̱ mulyuci ma̱ yi na̱ Jekabzel na̱ mulyuci ma̱ yi, 26 na̱ Jesuwa na̱ Molada na̱ Bet Pele, 27 na̱ Haza Shuwa na̱ Biyasheba na̱ mulyuci ma̱ yi, 28 na̱ Ziklag na̱ Mekona na̱ mulyuci ma̱ yi, 29 na̱ En Rimon na̱ Zora na̱ Jamu, 30 na̱ Zanowa na̱ Adulam na̱ mulyuci n le, na̱ Lakish na atsusa a̱ yi, na̱ Azeka na̱ mulyuci ma̱ yi. Ne ɗa aza a Yahuda a̱ shi nden diga Biyasheba hali a̱ tyo o uka̱ri wa Hinom.

31 Ama o umatsun wa Banyami gba a̱ da̱nu ta̱ a Geba na̱ Mikimash na̱ Aya na̱ Betel na̱ mulyuci ma̱ yi, 32 na̱ Anatot na̱ Nob na̱ Ananiya, 33 na̱ Hazo na̱ Rama na̱ Gitayim, 34 na̱ Hadi na̱ Zeboyim na̱ Nebala, 35 na̱ Lod na̱ Ono, na̱ a̱tsuma̱ o Uka̱ri wa̱ a̱za̱ o Ulinga wu Ukere.

36 Reve uɓatsu u ro u nan Levi a na a̱ ri a̱tsuma̱ a Yahuda a zuwa le a̱ da̱nu upasu wi iɗa wa Banyami.