1 Ana o kotoi usaa wu ukari'i, a na n shuwa̱i na̱ntsu vu ba̱ta̱ na wuntsayi, reve a zuwa a̱za̱ e ipiri yi na̱ntsu na̱ a̱za̱ e ishipa na̱ nan Levi. 2 Reve n zuwa muwun ma̱ a̱na̱wun n va̱ Hanani na̱ Hananiya, azagbain o ukari'i o'wo azagbain a̱ Urishelima. Adama a na Hananiya la'a ta̱ ama na̱ a̱bunda̱ na̱ a̱ɓula̱ na̱ wovon wa̱ A̱sula̱. 3 Reve n damma le, <<She a̱a̱ kpa̱tu'wa̱ na̱ntsu va̱ Urishelima nu usana wan she nu urana u gaɗuwa. Waru kafu a̱za̱ e ipiri yu na̱ntsu a̱ 'yon diga uba̱ta̱ o ulinga she nu ulivu, a̱vu a̱ ɓa̱ru na̱ntsu'u a̱vu a katsu le na̱ katsuwata. Waru a̱vu i zuwa a̱za̱ a̱ Urishelima o'wo a̱za̱ e ipiri, adama a yuwan ipiri vu ba̱ta̱ na wuntsayi, ozo o ro waru a yuwan ipiri yu ukari na ri elime a 'wa le.>>

4 Lyuci va Urishelima da̱na̱ ta̱ washin na̱ mgbain, amma ama a na a̱ ri pe na̱ nden wa'a ɗa a̱ da̱na̱i, waru koto a̱ shi a suwusa 'wa na̱ a̱bunda̱ shi. 5 Reve A̱sula̱ a̱ va̱ a zuwa o okolo a̱ va̱ m ɓoloto azagbain na̱ mbara na akapi a ama adama a ɗana ala e le o una̱ wu 'wa vu matsun le. Reve n tsura̱ aatagada alabari a nkaya n tsu a na fara ka̱mba̱i diga e iɗa i tsugbashi. Apa nda ili i na me enei pe uɗanu.

6 Ele nda ele ɗa ama o upasu wa Yahuda aza a na a̱ ka̱mba̱i diga uba̱ta̱ u tsugbashi a na Nebukanaza mogono ma Babila ma̱ pura̱i. A̱ ka̱mba̱ ta̱ e iɗa ya̱ Urishelima na̱ Yahuda, za suru ka̱mba̱ ta̱ a̱ lyuci va̱ yi. 7 Azagbain e le ɗa Zerubabe na̱ Jesuwa na̱ Nehemiya na̱ Azariya na̱ Ramiya na̱ Nahamani na̱ Modekaya na̱ Bilshan na̱ Misipa na̱ Bigivai na̱ Nehum na̱ Ba'ana.

Apa ala a ama a Isra'ila a na a̱ ka̱mba̱i diga uba̱ta̱ tsugbashi na̱ a̱bunda̱ ele. 8 Limatan va Parosh ama ukpakukupa ure nu ukpaku na̱ kupocindere ne ejere (2,172),

9 Limatan va Shefatiya ama ukpakuta'atsu na̱ kupocindere ne ejere (372).

10 Limatan va Ara ama ukpakuta̱li na̱ kupoton ne ejere (652).

11 Limatan va Paha Mowa, nu u'wa wa Jesuwa na̱ Yowab ukpakukupa ure nu ukpakukunla̱ na̱ kupa na̱ kunla̱ (2,818).

12 Limatan va Elam ama ukpakukupa nu ukpakure na̱ kupoton na̱ a̱za̱ a̱ na̱shi (1,254).

13 Limatan va Zatu ama ukpakukunla̱ na̱ amunga no ozo o ton (845).

14 Limatan va Zakai ama ukpakucindere na̱ kupota̱li (760).

15 Limatan va Binuyi ama ukpakuta̱li na amunga na̱ kunla̱ (648).

16 Limatan va Bebai ama ukpakuta̱li nu ushin na̱ kunla̱ (628).

17 Limatan va Aziga ama ukpakukupa ure nu ukpakuta'atsu nu ushin ne ejere (2,322).

18 Limatan va Adonikam ama ukpakuta̱li na̱ kupota̱li na̱ a̱za̱ e cindere (667).

19 Limatan va Bigivai ama ukpakukupa ure na̱ kupota̱li na̱ a̱za̱ e cindere (2,067).

20 Limatan va Adin ama ukpakuta̱li na̱ kupoton no ozo o ton (655).

21 Limatan va Ata uba̱ta̱ wa Hezekiya, ama kupakucci na̱ kunla̱.

22 Limatan va Hashum ama ukpakuta'atsu nu ushin na̱ kunla̱ (328).

23 Limatan va Bezai ama ukpakuta'atsu nu ushin na̱ a̱za̱ a̱ na̱shi (324).

24 Limatan va Harif ama ukpaku na̱ kupa ne ejere (112).

25 Limatan va Gibiyon ama kupakucci no ozo o ton.

26 Apa ala ama a na nkaya n le n da̱nu yi e ilyuci i nda Batalami na̱ Netofa ele fo a̱ ka̱mba̱ ta̱,

ama ukpaku na̱ kupakunla̱ na̱ kunla̱ (188).

27 Ama a Anatot ukpaku nu ushin na̱ kunla̱ (128).

28 Ama a Bet Azamave amunga ne ejere.

29 Ama a Kiriyat Jeyarim na̱ Kefira na̱ Biyaro ukpakucindere na amunga na aza a ta'atsu (743).

30 Ama a Rama na̱ Geba ukpakuta̱li nu ushin na̱ za ta̱ (621).

31 Ama a Mikimash ukpaku nu ushin ne ejere (122).

32 Ama e Betel na̱ Ai ama ukpaku nu ushin na aza a ta'atsu (123).

33 Ama a Nebo kupoton ne ejere.

34 Ama a Elam o ro ukpakukupa nu ukpakure na̱ kupoton na̱ a̱za̱ a̱ na̱shi (1,254).

35 Ama a Harim ukpakuta'atsu nu ushin (320).

36 Ama a̱ Jeriko ukpakuta'atsu na amunga no ozo o ton (345).

37 Ama a Lod na̱ Hadi na̱ Ono ukpaku ucindere nu ushin na̱ za ta̱ (721).

38 Ama a Sena ukpakukupa uta'atsu nu ukpakukucci na̱ mata'atsu (3,930).

39 Apa ala a Nan ganu a na a̱ ka̱mba̱i diga uba̱ta̱ u tsugbashi.

Limatan va Jedaya za vu ugundo wa̱ Jesuwa, ama ukpakukucci na̱ kupocindere na aza a ta'atsu (973).

40 Limatan va Ima ele ɗa ama ukpakukupa na̱ kupoton ne ejere (1,052).

41 Limatan va Pashihu ele ɗa ama ukpakukupa nu ukpakure na amunga na̱ a̱za̱ e cindere (1,247).

42 Limatan va Harim ele ɗa ama ukpakukupa na̱ kupa na̱ a̱za̱ e cindere (1,017).

43 Apa ala a Nan Levi a na a̱ ka̱mba̱i diga uba̱ta̱ u tsugbashi.

Limatan va Kadimiye vu ugundo wa Jesuwa nu ugundo wa Hodiva ele ɗa ama kupocindere na̱ a̱za̱ a̱ na̱shi.

44 Apa ala a Ashipi A̱a̱'isa̱mapaɗa, limatan va Asa ele ɗa ama ukpaku na amunga na̱ kunla̱ (148).

45 Limatan va Shalum na̱ Ata na̱ Talmon na̱ Akub na̱ Hatita na̱ Shobai, ele ɗa a̱ a̱za̱ e ipiri yu una̱ntsu, ama ukpaku na̱ mata'atsu na̱ kunla̱ (138).

46 Apa ala agbashi a̱ A̱a̱'isa̱mapaɗa a na a̱ ka̱mba̱i diga uba̱ta̱ u tsugbashi, limatan va Ziha na̱ Hasufa na̱ Tabawo,

47 na̱ Kero na̱ Siya na̱ Padon,

48 na̱ Lebana na̱ Hagaba na̱ Shalmai,

49 na̱ Hanan na̱ Gidel na̱ Gaha,

50 na̱ Reyaya na̱ Rezin na̱ Nekoda,

51 na̱ Gazam na̱ Uza na̱ Pasiya,

52 na̱ Besai na̱ Mewunim na̱ Nefusim,

53 na̱ Bakubu na̱ Hakufa na̱ Harahu,

54 na̱ Bazilu na̱ Mehida na̱ Hasha,

55 na̱ Bariko na̱ Sisera na̱ Tema,

56 na̱ Naziya na̱ Hatifa.

57 Apa ala agbashi a Sulemanu aza a na a̱ ka̱mba̱i diga uba̱ta̱ u tsugbashi.

Limatan va Sotai na̱ Sofere na̱ Perida,

58 na̱ Jala na̱ Darikon na̱ Gidel,

59 na̱ Shefatiya na̱ Hati na̱ Pokere Hazebayim na̱ Amon.

60 A̱bunda̱ agbashi a̱ A̱a̱'isamapaɗa na̱ a̱za̱ a Sulemanu ele ɗa ama ukpakuta'atsu na̱ kupakucci ne ejere (392).

61 Ele nda ele ɗa aza a na a̱ ta̱wa̱i diga Tel Mela na̱ Tel Hasha na̱ Kerub na̱ Adon oɓolo na̱ Ima. Agba a gura reve umatsun u le na̱ 'wa vu nkaya n le a̱tsuma̱ aza a Isra'ila shi.

62 Limatan va Delaya na̱ Tobiya na̱ Nekoda, ele ɗa ama ukpakuta̱li na amunga ne ejere (642).

63 Apa ala a nan ganu a na a̱ ka̱mba̱i Urishelima.

Limatan va Habaya na̱ Hako na̱ Bazilai, vuma na zuwai usheli wa Bazilai za va Giliyadu, reve e ɗe yi na aala'a.

64 Ele nda a zami ta̱ alabari o umatsun u le, o ugeru wa ala a nkaya n le agba a̱ tsura̱ shi. Reve a tara le ili yi idaba, a̱vu a tawa le diga o ulinga u tsuganu. 65 Ɗaɗa gwamna damma nle she a lyuwa ilyalya i na i la'ai akiza wan hali she mantsa ma na a̱ tsura̱i ganu na aa yuwan a̱ga̱nda̱ na̱ Urim na̱ Tumim.*

66 A̱bunda̱ ama a na a̱ ka̱mba̱i diga e iɗa ya Yahuda babu na agbashi, ele ɗa ukpakukupa amunga nu ukpakukupa ure nu ukpakuta'atsu na̱ kupota̱li (42,360).

67 Agbashi e le a ali na̱ a̱ma̱ci, ele ɗa ama ukpakucindere nu ukpakuta'atsu na̱ mata'atsu na̱ a̱za̱ e cindere (7,337).

Waru a̱ shi ta̱ na ashipi ali na̱ a̱ma̱ci ama ukpaku ure na amunga no ozo o ton (245).

68 A̱ shi ta̱ na̱ nloli mi ido ukpaku ucindere na̱ mata'atsu na̱ a̱za̱ a̱ ta̱li (736).

Na̱ nloli ukpaku ure na amunga no ozo o ton (245).

69 Na arakumi ukpaku una̱shi na̱ mata'atsu no ozo o ton (435).

Na̱ nloli ukpakukupa uta̱li nu ukpakucindere nu ushin (6,720).

70 Azagbain a 'wa ro a ca ta̱ une'e adama o ulinga'a.

Gwamna ca ta̱

zinariya kunla̱,

na̱ akwanu kupoton,

na̱ a̱tugu a tsuganu ukpakuton na̱ mata'atsu (530).

71 Azagbain a 'wa ro vu nkaya a ca ta̱

zinariya ukpaku na̱ kupota̱li na̱ kunla̱ (168),

na̱ azurufa makundatsu ukpakukupa nu ukpakuna̱shi na̱ kupoton na̱ kunla̱ (1,458).

72 Akapi a ama a ca ta̱

zinariya makundatsu ukpaku na̱ kupota̱li na̱ kunla̱ (168),

azurufa waru makundatsu ukpakukupa nu ukpakuta'atsu nu ushin no ozo o ton (1,325)

na̱ a̱tugu a tsuganu kupota̱li na̱ a̱za̱ e cindere.

73 Nan ganu na̱ nan Levi na̱ a̱za̱ e ipiri yu una̱ntsu na ashipi na agbashi a̱ A̱a̱'isamapaɗa na ama o ro oɓolo na ama a Isra'ila suru, a̱ ka̱mba̱ ta̱ e ilyuci i na nkaya n le n da̱nuyi. Kafu woto wa̱ cindere aza a Isra'ila a̱ shi ta̱ ɗe a̱ da̱nu e ilyuci i le.