Marcos 5

Jesu Wafutula Mwaalumi Unjilidwe Muuya Mubi

1 Mpoonyina Jesu abasikwiiya bakwe bakasika mutala limwi lyo Lwizi lwa Galileya, lili mucilalaanda ca Gelasa. 2 Mbwaakazwida feela mumugolo Jesu, mwaalumi wakanjilidwe muuya mubi wakeza kuzwa mumayumbelo*5:2 Calicizo cama Juda abantu bambi balikukala afwiifwi kubamba bafu muzyuumbwe zyampangala yezilundu. Naanga muzyumbwe zyokusya mumalundu naanga mumabbwe mapati. okumuswaana. 3 Ooyu mwaalumi walikukala mumayumbelo. Taakwe wacilikukonzya kumubamba kaangidwe naanga amaceeni. 4 Ziindi zinji walikwaangwa kumaulu okumaanza amaceeni kono nako yoonse walikwaabbansula okutyoloola nsimbi zyakalikwaangwa kumaulu. Taakwe waleenguzu loko zyokumuzunda. 5 Masiku esikati walikweendeenda mumayumbelo omumalundu, kakwiila okulitendoola amabwe.

6 Muntu ooyu naakabona Jesu kacili aleele, wakazuza okuyoomuvundamina kunembo lyakwe, 7 okukwiila loko kateeti, "Jesu, Mwanaa Leza Sijulu Wama Julu! Ino uyanda nzi kulindime? Muzina lya Leza ndakukumbila utandipi cisubulo!" 8 Wakaamba namu kaambo Jesu walikumwaambila kuteeti, "O muuya mubi, kozwa mumwaalumi ooyu!"

9 Mpoonyina Jesu wakamubuzya kuteeti, "Ino ndiweni zina?"

Wakamutaba kuteeti, "Ndime ‘Dwi lyabasinkondo’ kaambo tulibanji loko!" 10 Mpoonyina wakazumanana kukumbila Jesu kuteeti myuuya mibi ataitandi kuzwa mucilalaanda eeco.

11 Iino afwiifwi kwali tanga pati lyengulube zyalikucela acilundu. 12 Mpoonyina madimona akakumbila Jesu kuteeti, "Tutandile mungulube kuteegwa tunjile mulizizyo." 13 Kumane wakaazumizya. Mpoonyina akazwa mumwaalumi okuyoonjila mungulube. Lyakali tanga lyataakasike zyuulu zyobile, lyoonse lyakaselemuka kuzwa acilundu okuwida mulwizi okwiinkila.

14 Baalumi bali kweembela ngulube bakacija kabayoobusabalanganya nkaneeyi mutaindi omumiinzi. Mpoonyina bantu bakainka kuyoobona zyakacitika.