35 Kujolezya, basikwiiya bakwe bakamuzida okwaamba kuteeti, "Nako yainka loko ape ecino cibaka cilikule abantu. 36 Tuyeeya kuteeti niwabaambila bantu kuteeti bainke mumiinzi otuunzi tulaafwiifwi kuteeti bakalyuulile zyokulya."
37 Kono Jesu wakataba kuteeti, "Ndinywenya nywebo amubape zyokulya."
Bakamubuzya kuteeti, "Ino waamba kuteegwa tubelesye miwayawaya ye nsiliva6:37 Yobile Muci Giliki kuli Dinali. Eeci caamba muwayowayo wansiliva waciloma weelene ambwakonzya kuhola muntu muzuba bomwi. Madinali aali myaanda yobile aleelene ambwakonzya kuhola muntu mumyeezi iili ciloba. ili myaanda yobile kuula cinkwa cokusanina bantu aaba na?"
38 Mpoonyina Jesu wakababuzya kuteeti, "Mujesi zinkwa zyongayi? Kamuya mukabone."
Nibakaakulanga, bakazomwaambila kuteeti, "Zili zyosanwe enswi zyobile."
39 Kuzwaawo Jesu wakaambila basikwiiya bakwe kuteeti bakazike bantu mutubunga-bunga abwizu buteteete. 40 Mpoonyina bantu bakakala mbwakaamba mutubunga-bunga twamwaanda, bamwi twamakumi osanwe. 41 Mpoonyina Jesu wakabweza zinkwa zyosanwe enswi zyobile, okulanga kujulu okulumba Leza. Wakakomoona zinkwa okupa basikwiiya bakwe kuteeti baabanye bantu. Mpoonyina wakabweza nswi zyobile okubaabanya boonse. 42 Boonse bakalya okukuta. 43 Kuzwaawo, basikwiiya bakwe bakabwezelela zizuma zili kumi ezyobile zyezilyo zyakasyaala. 44 Baalumi bakalya bali zyuulu zyosanwe kutabalilizya banakazi abana.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)