3 అబ్రామ్ హాఃలమ్ కరమా ఇను మోడునా జమీన్ ఫర్ జుకాయిన్ థో, దేవ్ అజు అమ్ బోల్యో. 4 " దేక్, మే తారేతి నిబంధన కర్యో. తూ కెత్రుకి జాతుల్నా మూలనో భా హుయిస్. 5 హాంకేతు తారు నామ్ అబ్రామ్ కాహే. తూన కెత్రుకి జాతుల్నా భా తార నియమించుకురుస్ అనటేకె హాంకేతు తారు నామ్ అబ్రాహామ్17:5 అబ్రాహామ్ కతో కెత్రుకి జాత్న భా కరి అర్థమ్ హుస్. 6 తున ఘాణు భడ్డాయిస్. తారు సంతానమ్ కెత్రుకి జాత్ హువనితార కరిస్. తారు సంతానంమా రాజా ఆవ్సే. 7 మే తూన తారు బాద్మా తారు సంతానంనా దేవ్తరా ర్హావనుతిమ్, మన తున ఇచ్మాతె, తారు బాద్మా ఇవ్ను పీడిమా తారు సంతానంనా ఇచ్మాతే మారు నిబంధననా ఉబ్బర్ ర్హాకిస్. యో కేదెబి నిబంధనతార ర్హాస్. 8 తున తారు బద్మా తారు సంతానంనా హాంకే తూ పరదేసితార ఛాతే జమీనా, కాతో కనాన దేహ్ః హాఃరు దిస్. ఇనా కేదెబి ఆస్తితర దిన్ ఇవ్నా దేవ్తార ర్హాహిస్." 9 దేవ్ అజు అబ్రాహామ్తి అమ్ బోల్యో. "తారు తోడి తూ మారు నిబంధన పాటించ్. తుస్ కాహే, తారు బాద్మా తారు సంతానమ్ ఇవ్ను పీడిపిడినా మారు నిబంధనమా ఛాల్ను. 10 మన తున ఇచ్మాతే , తారు బద్మా తారు సంతానమ్నా ఇచ్మా ఛాతే నిబంధన ఆస్. తుమరమా హార్యేక్ మర్దమాన సున్నతినా పాటించును. 11 కాతొ తుమే తుమరు హాఃతాల్ను ఉపార్ ఛాంబ్డు కత్రాను. యో మన తుమ్నా ఇచ్మా ఛాతే నిబంధన్నా హాఃనద్తార ర్హాసే.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)