1 Mwenye che Daudi ni ilongola ŵa Ŵalawi, ŵasagwile ŵanache ŵampepe ŵa che Asafu, ni ŵa che Hemani ni ŵa che Yedutuni, kuti alongosye masengo ga kulondola kwa ing'wenyeng'wenye, ni inanda ni tugoma twamwana. Gelega ni meena ga aŵala uŵasagulikwe kwalongosya ŵandu kupopela, pamo ni masengo gachigapanganyikwe ni likuga lyalililyose.

2 Kutyochela kwa ŵanache ŵa che Asafu ŵapali che Sakuli ni che Yosefu ni che Netania ni che Ashalela. Ŵanyawo ŵalongoswaga ni che Asafu juŵalondolaga katema kaŵalongosyaga mwenye.

3 Ŵanache ŵa che Yedutuni ŵaliji sita, ŵanache wo ali che Gedalia, ni che Seli, ni che Yeshaya, ni che Shimei, ni che Hashabia ni che Matitia. Ŵanyaŵa ŵalongoswaga ni atati ŵao, ŵalondolaga kwa ing'wenyeng'wenye, ni ŵatogolele ni kwalapa Ambuje Akunnungu.

4 Ŵanache kumi na nne ŵa che Emani ŵaliji che Bukia ni che Matania ni che Usieli ni che Shebueli ni che Yelemoti ni che Anania ni che Anani ni che Eliata ni che Gidaliti ni che Lomanti Eseli ni che Yoshibekasha ni che Maloti ni che Hotili ni che Mahasioti. 5 Akunnungu ŵampele che Emani, jwa kulondola jwa mwenye, aŵa ŵanache kumi na nne ŵachilume, ni ŵatatu ŵachikongwe, mpela iŵatite kulanga kuti ŵakusye. 6 Achiŵanagwe wose ŵajimbile nyiimbo kwa tugoma twamwana, ni inanda ni ing'wenyeng'wenye, pa kupopelela pa Nyuumba ja Akunnungu ali nkulongoswa ni atati ŵawo. Che Asafu ni che Yedutuni ni che Hemani ŵalamulilwaga ni mwenye.

7 Pamo ni achalongo ŵao Ŵalawi uŵajiganyikwe kwajimbila Ambuje Akunnungu, wosepe uŵakombwele kwimba ŵaliji mia mbili na semanini na nane.

8 Achachekulu ni achachanda, ŵakwiganya ni ŵakulijiganya, ŵaapanjile masengo gawo kwa kwapijila kula.

9 Yeleyi ni iyatite kwaŵika kwakwapijila kula malina mitundu jao. Kula jaandanda jangwilile che Yosefu jwapaulongo wa che Asafu, ŵaliji kumi na mbili, ni kula jaaŵili jangwilile che Gedalia ni achiŵanagwe pamo ni achalongo ŵakwe, ŵaliji kumi na mbili. 10 Jaatatu ŵapatile che Sakuli ni achiŵanagwe pamo ni achalongo ŵakwe, ŵaliji kumi na mbili, 11 jancheche ŵapatile che Seli ni achiŵanagwe pamo ni achalongo ŵakwe, ŵaliji kumi na mbili. 12 Kula jansano ŵapatile che Netania ni achiŵanagwe pamo ni achalongo ŵakwe, ŵaliji kumi na mbili, 13 kula jasita ŵapatile che Bukia ni achiŵanagwe pamo ni achalongo ŵakwe, ŵaliji kumi na mbili, 14 kula jasaba ŵapatile che Ashalela ni achiŵanagwe pamo ni achalongo ŵakwe, ŵaliji kumi na mbili, 15 kula janane ŵapatile che Yeshaya ni achiŵanagwe pamo ni achalongo ŵakwe, ŵaliji kumi na mbili, 16 kula jatisa ŵapatile che Matania ni achiŵanagwe pamo ni achalongo ŵakwe, ŵaliji kumi na mbili, 17 kula jalikumi ŵapatile che Shimei ni achiŵanagwe pamo ni achalongo ŵakwe, ŵaliji kumi na mbili, 18 kula jakumi na moja ŵapatile che Asaleli ni achiŵanagwe pamo ni achalongo ŵakwe, ŵaliji kumi na mbili, 19 kula jakumi na mbili ŵapatile che Hashabia ni achiŵanagwe pamo ni achalongo ŵakwe, ŵaliji kumi na mbili, 20 kula jakumi na tatu ŵapatile che Shebueli ni achiŵanagwe pamo ni achalongo ŵakwe, ŵaliji kumi na mbili, 21 kula jakumi na nne ŵapatile che Matisia ni achiŵanagwe pamo ni achalongo ŵakwe, ŵaliji kumi na mbili, 22 kula jakumi na tano ŵapatile che Yelemoti ni achiŵanagwe pamo ni achalongo ŵakwe, ŵaliji kumi na mbili, 23 kula jakumi na sita ŵapatile che Anania ni achiŵanagwe pamo ni achalongo ŵakwe, ŵaliji kumi na mbili, 24 kula jakumi na saba ŵapatile che Yoshibekasha ni achiŵanagwe pamo ni achalongo ŵakwe, ŵaliji kumi na mbili, 25 kula jakumi na nane ŵapatile che Anani ni achiŵanagwe ni achalongo ŵakwe, ŵaliji kumi na mbili, 26 kula jakumi na tisa ŵapatile che Maloti ni achiŵanagwe pamo ni achalongo ŵakwe, ŵaliji kumi na mbili, 27 kula jaishilini ŵapatile che Eliasa ni achiŵanagwe pamo ni achango ŵakwe, ŵalji kumi na mbili, 28 kula jaishilini na moja ŵapatile che Hotili ni achiŵanagwe pamo ni achalongo ŵakwe, ŵaliji kumi na mbili, 29 kula ja ishilini na mbili ŵapatile che Gidaliti; ni achiŵanagwe pamo ni achalongo ŵakwe, ŵaliji kumi na mbili, 30 kula ja ishilini na tatu ŵapatile che Maasioti ni achiŵanagwe pamo ni achalongo ŵakwe, ŵaliji kumi na mbili, 31 kula ja ishilini na nne ŵapatile che Lomamti Eseli ni achiŵanagwe pamo ni achalongo ŵakwe, ŵaliji kumi na mbili.