1 Che Isakali ŵakwete ŵanache ŵachilume ncheche, ŵanache wo ali che Tala ni che Pua ni che Yashubu ni che Shimuloni.

2 Ŵanache ŵa che Tola ŵaliji, che Usi, ni che Lefaya, ni che Yelieli ni che Yamai, Ibisamu ni che Shemueli. Ŵanyawo ŵaliji achakulu ŵa mitundu ja che Tola ni ŵandu ŵangajogopa pa kuputana ngondo. Katema che Daudi paŵaliji mwenye, ŵalembekwe ŵandu elufu ishilini na mbili na mia sita.

3 Che Usi ŵakwete mwanache jumo liina lyakwe che Isilahia. Ni Isilahia ŵakwete ŵanache ŵachilume ncheche, che Mikaeli, ni che Obadia, ni che Yoeli ni che Ishia, ni ŵanache woseŵa ŵaliji achakulu ŵa mitundu jao. 4 Malinga ni mitundu jao, kwaliji ni achalume ŵaŵalembekwe elufu selasini na sita ŵakuŵajilwa kwaula ku ngondo, ligongo ŵalombele achakongwe ŵajinji ni sooni ŵakwete ŵanache achajinji.

5 Ni achalongo ŵao kutyochela mu lukosyo lwa Isakali, ŵandu ŵajiganyikwe yambone kuputana ngondo, uŵalembekwe ŵaliji ŵandu elufu semanini na saba.

6 Che Benjamini ŵakwete ŵanache ŵachilume ŵatatu, ŵanache wo ali che Bela, che Bekeli ni che Yediaeli.

7 Che Bela ŵakwete ŵanache nsano, ŵanache wo ali che Esiboni, ni che Usi, ni che Usieli, ni che Yelemosi ni che Ili. Ŵanyaŵa wose nsano ŵaliji ilongola ŵa mitundu jao ni ŵakwete ukombole wakwaula ku ngondo. Uŵelesi wao waliji ni ŵandu elufu ishilini na mbili na selasini na nne.

8 Che Bekeli ŵakwete ŵanache tisa. Ŵanache wo ali che Semila ni che Yoashi, ni che Elieseli, ni che Eliehonai, ni che Omuli, ni che Yelemoti, ni che Abiya, ni che Anasosi ni che Alemeti, woseŵa ŵaliji uŵelesi u che Bekeli. 9 Ŵalembekwe kwa ntundu malinga ni iŵelele yao nti ilongola wa mitundu jao, ni ŵandu ŵaŵalembekwe ŵaliji ŵandu elufu ishilini na mbili na mia mbili, wose ŵaliji ŵajiganyikwe yambone kupata ngondo.

10 Che Yediaeli ŵakwete mwanache jumo, lina lyakwe che Biliani. Ni ŵanache ŵa che Bilihani ŵaliji, che Yeushi ni che Benyamini ni che Eudi ni che Kenaana ni che Zesani ni che Talishishi ni che Aishaali. 11 Wose ŵa ŵaliji ilongola ŵa mitundu jao ni ŵandu ŵangajogopa kuputana ngondo. Ŵandu ŵaŵaŵalembekwe ŵaali ni ukombole wakwaula ku ngondo ŵaliji ŵandu elufu kumi na saba na mia mbili. 12 Che Shupimu ni che Hupimu nombe ŵaliji ŵandu ŵa uŵelesi u che Ili. Che Hushimu ŵaliji jwa uŵelesi u che Aheli.

13 Che Nafutali ŵakwete ŵanache ŵachilume ncheche, ŵanache wo ali che Yaasieli ni che Guni, ni che Yeseli ni che Shalumu. Ŵanyao ŵaliji uŵelesi u che Biliha juŵaliji sulia jwa che Yakubu.

14 Ŵeleŵa ni ŵanache ŵa che Manase. Che Manase ŵakwete sulia jwao juŵatyochele ku Alamu, ni ŵaaŵelechele ŵanache ŵaŵili ŵachilume, ŵanache wo ali che Asilieli ni che Makili. Che Makili ŵaliji atati ŵa che Gileadi. 15 Che Makili ŵalombele maŵasa kutyochela ku mitundu ja Hupimu ni Shupimu. Jumo mwa achiŵankwakwe wo jwaŵilanjikwe che Maaka ni jwine ŵaŵilanjikwe che Selofeadi. Che Selofeadi nganakola mwanache jwachilume, ŵakwete ŵanache ŵachikongwepe.

16 Che Maaka ŵankwakwe che Makili, ŵammeleche mwanache lina lakwe che Peleshi. Mpwakwe che Peleshi ŵaŵilanjikwe che Sheleshi. Ŵanache ŵa che Peleshi ŵaliji che Ulamu ni che Lakemu. 17 Che Ulamu ŵammeleche che Bedani. Woseŵa ali uŵelesi u che Gileadi, mwanagwao che Makili, mwanache ju che Manase.

18 Che Hamoleketi, alumbugwe che Gileadi, ŵakwete ŵanache ŵatatu, ŵanache wo ali che Ishiodi, ni che Abieseli ni che Mala. 19 Ŵanache ŵa che Shemida ŵaliji che Ahiani, ni che Shekemu, ni che Liki ni che Aniamu.

20 Au ni uŵelesi u che Efulaimu, che Efulaimu ŵammeleche che Shutela ni che Shutela ŵammeleche che Beledi ni che Beledi ŵammeleche che Tahati ni che Tahati ŵammeleche che Eleada, ni che Eleada ŵammeleche che Tahati, 21 che Tahati ŵammeleche che Sabadi ni che Sabadi ŵammeleche che Shutela. Che Efulaimu ŵakwete ŵanache ŵane ŵaŵili, Che Eseli ni che Eleadi ŵaŵaulajikwe ni ŵandu ŵa musi wa ku Gati ligongo ŵajawile kweleko kukukwiŵa ilango yao. 22 Che Efulaimu atati ŵao ŵalisile kwa malumbo kwa moŵa gamajinji, ni ŵaiche achalongo ŵakwe kukuntulasya ntima. 23 Pelepo che Efulaimu ŵagonile sooni ni ŵankwawo, nombewo ŵakwete chitumbo ni ŵammeleche mwanache. Che Efulaimu ŵampele mwanache jo liina lyakwe che Belia, malumbo gakwe masauko, ligongo lya iwa iyaapatile.

24 Che Efulaimu ŵakwete mwali lina lyakwe che Sheela. Jweleju ni juŵajitaŵile misi ja ku Beti Holoni ja kulutando ni ja kwichela, ni ku Useni Sheela.

25 Che Efulaimu ŵammeleche che Lefa, ni che Lefa ŵammeleche che Leshefu, ni che Leshefu ŵammeleche che Tela, ni che Tela ŵammeleche che Taani, 26 che Taani ŵammeleche che Ladani, ni che Ladani ŵammeleche che Amihudi, ni che Amihudi ŵammeleche che Elishana, 27 che Elishana ŵammeleche che Nuni, ni che Nuni ŵammeleche che Yoshua mundu juŵalongwesye Ŵaisilaeli paŵawile che Yoshua.

28 Ilambo yao ni malo muŵatamaga yaliji, ku Beseli ni misinda jijasyungulile, ni ku Nalaani kukwaliji cha kungopochelo lyuŵa, ni ku Geseli kukwaliji cha kumaswelo lyuŵa pamo ni misinda jijasyungulile, ni ku Shekemu ni misinda jakwe ni ku Aya ni misinda jakwe.

29 Sooni misi jammipika ni chilambo cha Manase jaliji, musi wa ku Beti Shani ni misinda jakwe ni musi wa ku Taanaki ni misinda jakwe ni musi wa ku Megido ni misinda jakwe ni musi wa ku Doli ni misinda jakwe.

Jeleji ni misi jiŵatemi iŵelesi i che Yusufu, mwanache ju che Isilaeli.

30 Yelei ni iŵelesi i che Asheli. Che Asheli ŵakwete ŵanache ŵachilume ncheche, ŵanache wo ali che Imuna ni che Ishiva ni che Ishivi ni che Belia ni mwali jumo lina lakwe che Sela.

31 Che Belia ŵakwete ŵanache ŵaŵili, che Ebeli ni che Malikieli, juŵaliji atati jwa che Bilisaiti.

32 Che Ebeli ŵakwete ŵanache ŵachilume ŵatatu, ŵanache wo ali che Yafuleti, ni che Shomeli ni che Hotamu, ni mwali jumo lina lyakwe che Shua.

33 Nombe che Yafuleti ŵakwete ŵanacheŵachilume ŵatatu, ŵanache wo ali che Pasaki ni che Bimuhali ni che Ashivati.

34 Ni che Shomeli ŵakwete ŵanache ŵachilume ŵatatu, ŵanache wo ali che Loga ni che Yehuba ni che Alamu.

35 Ni che Hotamu ŵakwete ŵanache ŵachilume ncheche, ŵanache wo ali che Sofa ni che Imuna ni che Sheleshi ni che Amali.

36 Ŵanache ŵachilume ŵa che Sofa ŵaliji che Sua ni che Halinefeli ni che Shuali ni che Beli ni che Imula, 37 ni che Beseli, ni che Hodu, ni che Shama, ni che Shilisha, ni che Itilani ni che Beela.

38 Ŵanache ŵachilume ŵa che Yeseli ŵaliji che Yefune, ni che Pisipa ni che Ala. 39 Ŵanache ŵachilume ŵa che Ula ŵaliji che Ala ni che Anieli ni che Lisia.

40 Wosewo ŵaliji iŵelesi ya che Asheli. Ŵelewo ŵaliji ilongola ŵa achalongo ŵao, ŵandu ŵakulungamika, ŵangondo ŵaŵalijiganyisye yambone kuputana ngondo ni ŵangajogopa ni ŵakumanyika chenene. Ŵandu wose ŵaŵalembekwe, ŵakusachilwa kuinjila mu mpingo wa ŵangondo, mu lukosyo lwao lwa Asheli ŵaliji ŵandu elufu ishilini na sita.