1 Che Lawi ŵakwete ŵanache ŵachilume ŵatatu, ŵananche wo ali che Gelishomu ni che Koasi ni che Melali.

2 Che Koasi ŵakwete ŵanache ŵachilume ncheche, che Amulamu ni che Ishali ni che Ebuloni ni che Uzieli.

3 Che Amulamu ŵakwete ŵanache ŵachilume ŵaŵili, che Aloni ni che Musa, ni mwali jumo lina lyake che Miliamu.

Che Aloni ŵakwete ŵanache ŵachilume ncheche, che Nadabu ni che Abihu ni che Eleazali ni che Itamali.

4 Che Eleazali ŵammeleche che Finehasi ni che Finehasi ŵammeleche che Abishua, 5 ni che Abishua ŵammeleche che Buki ni che Buki ŵammeleche che Usi, 6 ni che Usi ŵammeleche che Zelahia ni che Zelahia ŵammeleche che Melayoti, 7 che Melayoti ŵammeleche che Amalia ni che Amalia ŵammeleche che Ahitubu, 8 che Ahitubu ŵammeleche che Sadoki ni che Sadoki ŵammeleche che Ahimaasi, 9 che Ahimaasi ŵammeleche che Azalia ni che Azalia ŵammeleche che Yohanani, 10 ni che Yohanani ŵammeleche che Asalia. Che Asalia ni juŵapanganyisye masengo ga chimbopesi mu Nyuumba ja Akunnungu jiŵajitaŵile mwenye che Selemani ku Yelusalemu ko. 11 Che Asalia ŵammeleche che Amalia ni che Amalia ŵammeleche che Ahitubu, 12 ni che Ahitubu ŵammeleche che Sadoki, che Sadoki ŵammeleche che Meshulamu, 13 che Meshulamu ŵammeleche che Ilikia, che Ilikia ŵammeleche che Asalia, 14 che Asalia ŵammeleche che Selaya, ni che Selaya ŵammeleche che Yehosadaki, 15 Che Yehosadaki ŵajigalikwe ku usami katema Ambuje Akunnungu paŵaajawisye ku usami kwa litala lya mwenye Nebukadinesa.

16 Che Lawi ŵakwete ŵanache ŵachilume ŵatatu, ŵanache wo ali che Gelishoni ni che Koasi ni che Melali. 17 Kila jumo jwawo ŵakwete ŵanache ŵachilume. Che Gelishoni ŵaaŵeleche che Libuni ni che Shimei; 18 che Koasi ŵaaŵeleche che Amulamu ni che Ishali ni che Hebuloni ni che Usieli; 19 Nombe che Melali ŵaaŵeleche che Mahili ni che Mushi. Aga ni mena ga mitundu ja Ŵalawi gagalambekwe malinga ni achatati ŵao.

20 Auno ni uŵelesi wa che Gelishoni juŵammeleche che Libini, che Libini ŵammeleche che Yahati, ni che Yahati ŵammeleche che Sima, 21 che Sima ŵammeleche che Yoha, che Yoha ŵammeleche che Ido, che Ido ŵammeleche che Sela, ni che Sela ŵammeleche che Yeatelai.

22 Auno ni uŵelesi u che Kohati juŵammeleche che Aminadabu, che Aminadabu ŵammeleche che Kola, ni che Kola ŵammeleche che Asili, 23 che Asili ŵammeleche che Elikana, ni che Elikana ŵammeleche che Ebiasafu, ni che Ebiasafu ŵammeleche che Asili, 24 che Asili ŵammeleche che Tahati, ni che Tahati ŵammeleche che Ulieli, ni che Ulieli ŵammeleche che Usia, ni che Usia ŵammeleche che Shauli.

25 Che Elikana ŵakwete ŵanache ŵachilume ŵaŵili, ŵanawo ali che Amasai ni che Ahimoti. 26 Uŵelesi wa che Ahimoti waliji, che Elikana, ni che Elikana ŵammeleche che Sofai, che Sofai ŵammeleche che Nahati 27 che Nahati ŵammeleche che Eliabu, ni che Eliabu ŵammeleche che Yelohamu, ni che Yelohamu ŵammeleche che Elikana.

28 Che Samueli ŵakwete ŵanache ŵachilume ŵaŵili, ŵanache wo ali che Yoeli, jwakwitio jwakwe, ni che Abiya mpwake.

29 Auno ni uŵelesi wa che Melali juŵammeleche che Mali, che Mali ŵammeleche che Libini, che Libini ŵammeleche che Shimei, ni che Shimei ŵammeleche che Usa, 30 Che Usa ŵammeleche che Shimea, ni che Shimea ŵammeleche che Hagia, ni che Hagia ŵammeleche che Asaya.

31 Ŵanduŵa ni uŵaŵichikwe ni mwenye che Daudi kuti aŵe ilongola ŵa ŵakwimba mu Nyuumba ja Ambuje Akunnungu, paŵamasile kuliŵika Lisanduku lya Lilangano nkati. 32 Ŵajimbaga paujo pa lisakasa lyakusimanilana kwaligongo lya Akunnungu mpaka mwenye che Selemani paŵataŵile Nyuumba ja Ambuje Akunnungu ku Yelusalemu ko. Ŵagatesile masengo gao mpela iŵatite kupanjilwa. 33 Ŵanyaŵa ni ŵandu uŵapanganyisye masengo pamo ŵanache ŵao.

Kutyochela mu ntundu wa Ŵakohati, jwapali che Hemani, juŵaliji chilongola jwa mpingo waandanda wa ŵandu ŵakwimba, ŵaliji mwanache ju che Yoeli ni che Yoeli ŵaliji mwanache ju che Samweli, 34 ni che Samweli ŵaliji mwanache ju che Elikana, ni che Elikana ŵaliji mwanache ju che Yelohamu, ni che Yelohamu ŵaliji mwanache ju che Elieli, ni che Elieli ŵaliji mwanache ju che Toa, 35 ni che Toa ŵaliji mwanache ju che Zufu, ni che Zufu ŵaliji mwanache ju che Elikana, ni che Elikana ŵaliji mwanache ju che Mahati, ni che Mahati ŵaliji mwanache ju che Amasai, 36 ni che Amasai ŵaliji mwanache ju che Elikana, ni che Elikana ŵaliji mwanache ju che Yoeli, ni che Yoeli ŵaliji mwanache ju che Asalia, ni che Asalia ŵaliji mwanache ju che Sefania, 37 ni che Sefania ŵaliji mwanache ju che Tahati, ni che Tahati ŵaliji mwanache ju che Asili, ni che Asili ŵaliji mwanache ju che Ebiasafu, ni che Ebiasafu ŵaliji mwanache ju che Kola, 38 ni che Kola ŵaliji mwanache ju che Ishali, ni che Ishali ŵaliji mwanache ju che Kohati, ni che Kohati ŵaliji mwanache ju che Lawi, che Lawi ŵaliji mwanache ju che Yakobo.

39 Che Asafu ŵaliji nkamusi jwa che Helimani ni mpingo wakwe wajimi kunlyo kwa che Helimani. Che Asafu ŵa ŵaliji mwanache jwa che Belekea, ni che Belekia ŵaliji mwanache ju che Shimea, 40 ni che Shimea ŵaliji mwanache ju che Mikaeli, ni che Mikaeli ŵaliji mwanache ju che Baaseya, ni che Baaseya ŵaliji mwanache ju che Malikia, 41 ni che Malikia ŵaliji mwanache ju che Esini, ni che Esini ŵaliji mwanache ju che Sela, ni che Sela ŵaliji mwanache ju che Adaya, 42 ni che Adaya ŵaliji mwanache ju che Esani, ni che Esani ŵaliji mwanache ju che Zima, ni che Zima ŵaliji mwanache ju che Shimei, 43 ni che Shimei ŵaliji mwanache ju che Yaasi, ni che Yaasi ŵaliji mwanache ju che Gelishoni, ni che Gelishoni ŵaliji mwanache ju che Lawi.

44 Mpingo wa ŵandu ŵakwimba kutyochela mu ntundu wa Melali waakamuchisye che Helimani ni che Asafu. Wajimi kunchiji ku che Helimani. Chilongola jwa mpingo wo ŵaliji che Esani, mwanache ju che Kishi. Che Kishi ŵaliji mwanache ju che Abudi, ni che Abudi ŵaliji mwanache ju che Maluki, 45 che Maluki ŵaliji mwanache ju che Hashabia, ni che Hashabia ŵaliji mwanache ju che Amazia, ni Amazia ŵaliji mwanache ju che Hilikia, 46 ni che Hilikia ŵaliji mwanache ju che Amusi, ni che Amusi ŵaliji mwanache ju che Bani, ni che Bani ŵaliji mwanache ju che Shemeli, 47 ni che Shemeli ŵaliji mwanache ju che Maili, ni che Maili ŵaliji mwanache ju che Mushi, ni che Mushi ŵaliji mwanache ju che Melali, ni che Melali ŵaliji mwanache ju che Lawi.

48 Walawi ŵane ŵapegwilwe masengo gane gakupanganya pa lisakasa lyakusimanilana kwaligongo lya Akunnungu.

49 Che Aloni ni uŵelesi ŵakwe ni uŵapelekaga mbombesi pachanya chilisa cha mbombesi sya kutinisya sooni ni pachanya chilisa cha kututumisisya ubani. Ŵapanganyisye masengo gose ga peuto papakukundikwa kwa kwapopelela Akunnungu, kuti ŵapanganyichisye ujilanyo Ŵaisilaeli yalumo ni malajisyo ga che Musa, jwakutumichila jwa Akunnungu. 50 Ŵanyaŵa ni uŵelesi wakwe che Aloni. Che Aloni ŵammeleche che Eleazali, che Eleazali ŵammeleche che Fineasi, ni che Fineasi ŵammeleche che Abishua, 51 che Abishua ŵammeleche che Buki ni che Buki ŵammeleche che Usi ni che Usi ŵammeleche che Selahia, 52 che Selahia ŵammeleche che Melaioti, ni che Melaioti ŵammeleche che Amalia, ni che Amalia ŵammeleche che Ahitubu, 53 che Ahitubu ŵammeleche che Sadoki, ni che Sadoki ŵammeleche che Ahimaasi.

54 Gelega ni malo gaŵapegwilwe ŵanache ŵa che Haluni ŵa mu ntundu wa Ŵakohati, ligongo ŵele ŵanyawo ŵaliji ŵaandanda kupegwa malo gakutama. 55 Ŵanyawo ŵapegwilwe musi wa ku Hebuloni ku chilambo cha ku Yuda ni malo sisyasungwile ligongo lya kulisisya ilango yao. 56 Nambo migunda pamo ni misinda jijasyungwile musiwo ŵapegwilwe che Kalebu mwanagwao che Yefune. 57 Iŵelesi ya che Aloni ŵapegwilwe misi ja kuutuchila katema ka masausyo pamo ni malo gakulisisya ilango. Misi jo ni aji, ku Hebuloni, musi wa chitendewele, ku Libina, ni ku Yatili ni ku Eshitemoa, 58 ku Hileni, ni ku Debili, 59 ni ku Ashani ni ku Beti Shemashi. 60 Malo ja lukosyo lwa Benyamini ŵapegwilwe ŵandu ŵa musi wa ku Geba, ni ku Alemesi ni ku Anasosi pamo ni malo sya kulisisya inyama sya nkati misi jo. Misi jose jiŵapegwilwe ngosyo sya Ŵakoati jaliji kumi na tatu yalumo ni mitundu jao. 61 Uŵelesi wa Ŵakoasi uŵasigele ŵapegwilwe misi kumi kutyochela kwa ŵandu ŵane ŵa lukosyo lwa Manase.

62 Lukosyo lwa Gelishomu, yalumo ni yatite kuŵa ŵandu ŵa nlukosyo lo ŵapegwile misi kumi na tatu kutyochela nlukosyo lwa Isakali ni Asheli ni Nafutali kutyochela mmalo mwa lukosyo lwa Manase juŵatamaga ku Bashani. 63 Iyoyo peyo misi kumi na mbili kutyochela ku lukosyo lwa Lobeni, ni nkati ngosyo sya Gadi ni Sabuloni syapegwilwe lukosyo lwa Melali yalumo ni uŵalanjikwe wa achalongo ŵao. 64 Kwayele Ŵaisilaeli ŵapele Ŵalawi misi pamo ni malo jakulisisya ilango kuti atame mwelemo. 65 Kutyochela mu ngosyo sya Yuda, ni Simeoni ni Benyamini ŵapegwilwe jele misi jajisasikwe jo kwa kutenda gudugudu.

66 Achalongo ŵane ŵa ngosyo sya Koasi syapegwilwe misi pamo ni malo sya kulisisya ilango syakwe ku lukosyo lwa che Efulaimu. 67 Nipele ŵapegwilwe, ku chilambo cha matumbi ga Efulaimu ni ku Geseli, 68 ni ku Yokimeamu ni ku Betioloni, misi jambone pamo ni malo jakwe ja kulisisya ilango jajili ku Shekemu, 69 ni ku Aiyaloni ni ku Gati Limoni, pamo ni malo jakwe ja kulisisya ilango. 70 Nusu ja lukosyo lwa Manase ŵapegwilwe misi ja ku Aneli, ni ku Bileamu pamo ni malo jakulisisya ilango yao. Aji ni misi jiŵapegwilwe lukosyo lwa Ŵakoati.

71 Ntundu wa Ŵagelishomu ŵapegwilwe misi ji pamo ni malo syakulisisya ilango.

Ŵandu ŵane mu lukosyo lwa che Manase ŵapegwilwe ku Golani ni ku Bashani ni ku Ashitalosi pamo ni malo sya kulisisya ilango yakwe.

72 Lukosyo lwa Isakali ŵapegwilwe misi ja ku Kadeshi ni ku Debelasi, 73 ku Lamoti ni ku Anemu pamo ni malo jakulisisya ilango yao.

74 Lukosyo lwa Asheli ŵapegwilwe misi ja ku Mashali ni ku Abudoni, 75 ku Ukoki ni ku Leobu pamo ni malo jakulisisya ilango yao.

76 Ni kutyochela mu lukosyo lwa Nafutali ŵapegwilwe musi wa ku Kadeshi wauli ku Galilaya pamo ni malo jakwe jakulisisya ilango, ni ku Amunoni ni ku Kiliataimu pamo ni malo jakwe jakulisisya ilango.

77 Ŵalawi ŵaŵasigele, ŵanache ŵa che Melali ŵapegwilwe aji misi ji pamo ni malo jakwe jakulisisya ilango.

Lukosyo lwa Sabuluni ŵapegwilwe musi wa ku Limono ni ku Taboli pamo ni malo sya kulisisya ilango iyaliji ngulugulu misijo.

78 Kutyochela mu lukosyo lwa Lobeni lwalukutama pesi lusulo lwa Yolodani lwaluli cha kungopochelo lyuŵa kwa musi wa ku Yeliko ŵapegwilwe musi wa ku Beseli wauli mu chiŵata mwa ku Yahisa pamo ni malo sya kulisisya ilango. 79 Kedemosi ni Mefaali pamo ni malo sya kulisisya ilango.

80 Ni lukosyo lwa Gadi ŵapegwilwe musi wa ku Lamoti Gileadi pamo ni malo jakwe jakulisisya pamo ilango, ni ku Mahanaimu pamo ni malo jakwe jakulisisya ilango, 81 ku Heshiboni pamo ni malo jakwe jakulisisya ilango ni ku Yaseli pamo ni malo jakwe jakulisisya ilango.