1 Ŵeleŵa ni ŵanache ŵa mwenye che Daudi ŵaŵapagwile katema kaŵaliji ku Ebuloni ko. Jwakwitio jwao ŵaliji che Amunoni, achikulugwe ŵaŵilanjikwe che Ahinoamu jwa ku Yezileeli, jwaaŵili jwakwe ŵaliji che Danieli, achikulugwe ŵaliji che Abigaili, jwa ku Kalimeli; 2 jwaatatu ŵaliji che Abusalomu, achikulugwe ŵaliji che Maaka, mwali ju che Talimai, mwenye ŵa ku Geshuli; jwancheche ŵaliji che Adoniya, achikulugwe ŵaaliji che Hagiti. 3 Mwanache jwansano ŵaliji che Shefatia, achikulugwe ŵaliji che Abitali, ni mwanache jwasita ŵaliji che Itileamu, achikulugwe ŵaliji che Egila.

4 Ŵanache wose sita ŵapagwilwe ku Ebuloni kuŵatawalaga che Daudi kwa yaka saba ni nusu.

Ku Yelusalemu ko ŵatawele yaka selasini na tatu. 5 Ŵeleŵa ni ŵanache ŵa mwenye che Daudi ŵaŵapagwilwe paŵaliji ku Yelusalemu.

Che Betisheba, mwali ju che Amieli, ŵammelechele che Daudi ŵankwakwe ŵanache ncheche, che Shimea ni che Shobabu ni che Nasani ni che Selemani.

6 Pamo ni ŵanyawo ŵakwete ŵanache ŵane tisa. Ŵanache wo ali che Ibuali ni che Elishua ni che Elifaleti, 7 ni che Noga ni che Nefegi ni che Yafia, 8 ni che Elishama ni che Eliada ni che Elifeleti. 9 Ŵanawose wo ŵaliji ŵanache ŵa che Daudi, pangaaŵalanjila aŵala ŵane ŵaŵapagwilwe ni ŵamasengo ŵakwe. Che Daudi ŵakwete nombe mwali juŵaŵilanjikwe che Tamali.

10 Welewu uli uŵelesi wa mwenye che Selemani. Mwenye che Selemani ŵaŵeleche che Leoboamu, ni che Leoboamu ŵammeleche che Abiya, ni Abiya ŵammeleche che Asa, ni che Asa ŵammeleche che Yehoshafati, 11 ni che Yehoshafati ŵammeleeche che Yeolamu, ni che Yeolamu ŵammeleche che Ahazia, ni che Ahazia ŵammeleche che Yoashi, 12 che Yoashi ŵammeleche che Amazia, ni che Amazia ŵammeleche che Uzia, ni che Uzi ŵammeleche che Yosamu, 13 ni che Yosamu ŵammeleche che Ahazi, ni che Ahazi ŵammeleche che Ezekia, ni che Ezekia ŵammeleche che Manase, 14 ni che Manase ŵammeleche che Amoni, ni che Amoni ŵammeleche che Yosia. 15 Che Yosia ŵakwete ŵanache ncheche ŵachilume. Ŵanache wo ali che Yohanani, jwakwitiwo jwakwe, ni che Yehoyakimu, ni che Sedekia ni che Shalumu. 16 Che Yehoyakimu ŵakwete ŵanache ŵaŵili ŵachilume, ŵanache wo ali che Yekonia ni che Sedekia.

17 Ŵanache ŵa mwenye che Yekonia juŵajigalikwe mateka ni Ŵabebuloni ŵaliji saba, ŵanache wo ali che Shealitieli, 18 ni che Malikilamu ni che Pedaya ni che Shenazali ni che Yekamia ni che Hoshama ni che Nedabia. 19 Ŵanache ŵa che Pedaya ŵaliji che Zelubabeli ni che Shimei. Che Zelubabeli ŵakwete ŵanache ŵachilume ŵaŵili, che Meshulamu ni che Anania, pamo ni mwali jumo, lina lyakwe che Shelomisi. 20 Che Zelubabeli ŵakwete sooni ŵanache ŵane nsano, ŵanache wo ali che Ashuba ni che Oheli ni che Belekia ni che Asadia ni che Yushabu Hesedi.

21 Ŵanache ŵachilume ŵa che Hanania ŵaliji che Pelatia ni che Yeshaya. Che Yeshaya ŵammeleche che Lefaya, ni che Lefaya ŵammeleche che Alinani, ni che Alinani ŵammeleche che Obadia, ni che Obadia ŵammeleche che Shekania. 22 Che Shekania ŵammeleche che Shemaya. Che Shemaya ŵakwete ŵanache nsano, che Atushi ni che Igali ni che Balia ni che Nealia ni che Shefati. 23 Che Nealia ŵakwete ŵanache ŵachilume ŵatatu, ŵanace wo ali che Elieonai ni che Izikia ni che Azilikamu. 24 Che Elieonai ŵakwete ŵanache ŵachilume saba, ŵanache wo ali che Hodavia ni che Eliashibu ni che Pelaya ni che Akubu ni che Yoanani ni che Delaya ni che Anani.