1 Omani pini wokpa kawiye kokyikyi ko Oyesu Okristi, ni woyi ko Odawuda kpi Ibirayi ni.

2 Ibirayi wada ki Ishaku, Ishaku wada ko Oyakubu, Oyakubu wada ko Oyahuda kpa ayinanu,

3 Oyahuda wada ko Ofere, kpo Ozera ni inawa wo Otama ni,

Opere wada ko Ohezron,

Ohezron wada ka Aram,

4 Aram wada ka Aminada,

Aminada wada ko Onasho,

Onasho wada ko Osalimo,

5 Osalimo wada ko Obowaz, ni inanu wo Orahab ni,

Obowaz wada ko Obed, ni inanu wo Orutu ni,

Obed wada ko Ojese,

6 Ojese wada kose Odawuda.

Odawuda wada ko Osolomo, ni inanu wo Obasheba, ni wonya ko Oyuriya ikyikyo ni.

7 Osolomo wada ko Orehobuwa,

Orehobuwa wada ka Abija,

Abija wada ka Asa

8 Asa wada ko Ojehoshafa,

Ojehoshafa wada ko Ojoram,

Ojoram wada ka Azariya, 9 Azariya wada ko Ojotam,

Ojotam wada ka Ahaz,

Ahaz wada ke Ezekiya,

10 Ezekiya wada ko Omanase,

Omanase wada ka Amoni,

Amoni wada ko Ojosiya,

11 Ojosiya wada ko Ojekoniya kpayinanu, ishini akpase ko Oyahuda ga woshe okpagye ko Obabila ni.

12 Itikpi keshe gbogbo ko Obabila,

Ojekoniya wada ko Osheyatiye,

Osheyatiye wada ko Ozerubabe

13 Ozerubabe wada ka Abihudu,

Abihudu wada ke Eliyakim,

Eliyakim wada ka Azo,

14 Azo wada ko Ozado,

Ozado wada ka Akimu,

Akimu wada ke Eliyuda,

15 Eliyuda wada ke Eliyaza,

Eliyaza wada ko Omatan,

Omatan wada ko Oyakubu,

16 Oyakubu wada ki Isu, oba ko Omeremu, Omeremu wene ko Oyesu ni ayomo Okristi ni.

17 Ni olema oni, bwi Ibirayi go Odawuda wi ipwoma igwene, bwo Odawuda gishi ni agbeshe okpagye ko Obabila ni wipwoma igwene bwishi oni go omoma ko Okristi wipwoma igwene.

18 Owe komoma ko Oyesu Okristi pini yoma. Inanu Omeremu ayo ki Isu ko doka, ome ona godoba, obipu bwebe ko Omaku ko Owuso. 19 Isu oba ko Omeremu wase neshi, oyimu koto Omeremu iweyi ebe kasuse lo, ogbo ipu kotunu ko kabo kpanu kyokyokyo.

20 Oyipu ko gbela mani, kweyi oyoleho ka Adole webe nu ipu kana kamo, <<Isu oyi ko Odawuda, kayoshi lo, zo Omeremu na wonya wo, koni ipu ni obi ni, bwebe ko Omaku ko Owuso la. 21 Oyi nu kikyikyo wongo, kweyi oya tiye mo Oyesu, koni anu pini ya ngma wase nu shipu kozalabi wa la.>>

22 Omani kpiri gbodagye shini ela ka Adole ni, oka bwebe kinobane ni na gbodagye. 23 Okamo, <<Ma! Isonya ya bipu! Oya moyi, aba daniye mi, Imanuwe.>> ase ki Imanuwe wo, <<Owuso yo kpaha.>>

24 Ishini Isu shiyi ola ni, oyoko kpoza ni oyoleho ka Adole kadanu ni, kweyi ozo Omeremu onya nu gole. 25 Ogyewewa ko onya nu lo, gbishini omoyi nu, otiye wo Oyesu.