Mateus 17

Oyesu yi iyinu sha

1 Itikpi ke eni ihiri Oyesu zo Obitrus kpo Oyakubu kpo Oyohana oyinanu kweyi byuwa gi iso ke efu jigiri awa fufuwa. 2 Ebebeni Oyesu yi iyinu sha obutuwa, aheyi nu yu bye enoni, kweyi oshiye nu pya wo nehe purututu. 3 Ebebeni Omusa kpi Iliya bose da awa kweyi ba kela kpo Oyesu. 4 Obitrus ka do Oyesu mo, <<Adole, oshoshi ni aha bebeni. Owoni okyogwu, ahan gwa adaba eta ebeni, oye wa akakoho, oye wa ko Omusa, oye wa ki Iliya.>> 5 Ni oyipu kela ya ka ni oyoyu ko okpowuso yuwagwu, kweyi oko kela bwo okpowuso ya kamo, <<Omani wo Oyi hin la, ni nyya yimu ni, kpa anu otu hin ya sha. Ala pwela nu!>>