35 Aflaay oon Wꞌankwanaay wꞌaamanti fidnaab baagiidna. Baruuh win miyaaw haay yꞌi indiyeet toona shꞌaana. 36 Daayi sabir oontꞌa tehariwna, malya aree Ukwaasana harriiweet toonaati dꞌuuy tisoorariimna. Aflaay kastooh baruuh waadiyaayaab ikatiyeet iyaay tiyadna. 37 Uuktaab indi,

"Oontꞌa shalikt middaatiib, been uyꞌiiniib yꞌi indi aree iidleel kiidi.

38 Laakiin aniib uushbu uungaal, wꞌiimaanii iidhhan indi.

Aree bareeh gaal han hooy itꞌagiireek,

ani bariiyooh geeb afirhi kaadi." indi.

39 Laakiin hinin agartiit kwidheen dehay kinki, laakiin aamaniit eedhhaniin nikati.