1 अब्राम की घरआळी सारै कै कोए औलाद न्ही थी: अर उसकै हाजिरा नाम की एक मिस्री दास्सी थी। 2 सारै नै अब्राम तै कह्या, "देख, यहोवा नै तो मेरी कोख बन्द कर राक्खी सै इस करकै मै तेरे तै बिनती करुँ सूं के तू मेरी दास्सी कै धोरै जा; हो सकै सै के मेरा घर उसकै जरिये बस ज्या।" सारै की या बात अब्राम नै मान ली। 3 इस करकै जिब अब्राम नै कनान देश म्ह रहन्दे होए दस साल बीतगे फेर उसकी घरआळी सारै नै अपणी मिस्री दास्सी हाजिरा नै लेकै अपणे पति अब्राम तै दे दिया, ताके वा उसकी घरआळी हो।