उत्पत्ति 9

परमेसवर का नूह कै गैल करार करणा

8 फेर परमेसवर नै नूह अर उसके बेट्याँ तै कह्या, 9 "सुणो, मै थारै गैल अर थारे बाद जो थारी पीढ़ी होवैगी, उसकै गैल भी करार करुँ सूं; 10 अर सारे जिन्दा प्राणियाँ तै भी जो थारै गैल सैं, यानी पंछी, घरेलू पशु, धरती के सारे जंगळी-पशु, अर धरती के जितने जीव-जन्तु जहाज तै लिकड़े सैं। 11 मै थारै गैल अपणा यो करार करुँ सूं के सारे प्राणी फेर जल-प्रलय तै नाश न्ही होवैगें, अर धरती का नाश करण कै खात्तर फेर जल-प्रलय न्ही होवैगा।"