Êxodo 3

10 इजी री खातर आओ, आऊँ ताखे फिरौनो गे पेजुँआ, ताकि तूँ मेरे इस्राएली लोका खे मिस्रो ते निकयाल़ी की ल्याओ।"*3:10 प्रेरित 7:34

11 तेबे मूसे परमेशरो खे बोलेया, "आऊँ कुण ए जो फिरौनो गे जाऊँ ओर इस्राएलिया खे मिस्र देशो ते निकयाल़ी की ल्याऊँ?" 12 तेबे परमेशरे बोलेया, "पक्का मां तां साथे रणा ओर इजी गल्ला रा कि ताखे पेजणे वाल़ा आऊँ ए, एक चिह्न ऊणा, जेबे तूँ तिना लोका खे मिस्रो ते निकयाल़ी चुकोगा तेबे तुसा एस ई पाह्ड़ो पाँदे परमेशरो री पूजा करनी।"*3:12 प्रेरित 7:7