10 तैखन हन्ना मने मां परेशान भोइतां यहोवा कां प्राथना केरने लगी ते हुस्बुकैइं-हुस्बुकैइं लेरां देने लगी। 11 ते तैसां ई मिन्नत मन्नी, "हे सेना केरे यहोवा, अगर तू एपनी दैसरे दुखे पुड़ सच़्च़े नज़र केरस, ते मीं पुड़ ध्यान देस, ते अपनि दासी न बिसरस, ते अपनि दैसी मट्ठू देस, त अवं तैस ज़िन्दगी भर यहोवारे हावाले केरेली, ते तैसेरे दोग्गे छ़ुरो कधे न लग्गेलो।"1:11 लूक. 1:48.
15 हन्ना जुवाब दित्तो, "नईं, हे मेरे मालिक, अवं त दुखी आईं; मीं न दाछ़रो रस पीयोरोए ते न शराब, मीं अपने मनेरी गल खोलतां यहोवा सेइं ज़ोवरीए। 17 एली याजके ज़ोवं, "सुखे सेइं च़ली गा; इस्राएलेरो परमेशर ज़ैन तीं मगोरूए तैन दे।" 20 किछ दिहाड़ना बाद हन्ना दोज़ींती भोइ ते ठीक वक्ते पुड़ तैस अक मट्ठू भोवं, ते तैसेरू नवं शमूएल1:20 शमूएल मतलब परमेशरेरू नवं या "परमेशरेरू नवं एल आहे।" रख्खू, किजोकि तै ज़ोने लगी, "मीं यहोवा करां मेगतां एन मैल्होरूए।"