10 तैखन हन्ना मने मां परेशान भोइतां यहोवा कां प्राथना केरने लगी ते हुस्बुकैइं-हुस्बुकैइं लेरां देने लगी। 11 ते तैसां ई मिन्नत मन्नी, "हे सेना केरे यहोवा, अगर तू एपनी दैसरे दुखे पुड़ सच़्च़े नज़र केरस, ते मीं पुड़ ध्यान देस, ते अपनि दासी न बिसरस, ते अपनि दैसी मट्ठू देस, त अवं तैस ज़िन्दगी भर यहोवारे हावाले केरेली, ते तैसेरे दोग्गे छ़ुरो कधे न लग्गेलो।"1:11 लूक. 1:48.
20 किछ दिहाड़ना बाद हन्ना दोज़ींती भोइ ते ठीक वक्ते पुड़ तैस अक मट्ठू भोवं, ते तैसेरू नवं शमूएल1:20 शमूएल मतलब परमेशरेरू नवं या "परमेशरेरू नवं एल आहे।" रख्खू, किजोकि तै ज़ोने लगी, "मीं यहोवा करां मेगतां एन मैल्होरूए।"
27 ऐन तैन्ने मट्ठूए ज़ेसेरे लेई मीं प्राथना कियोरी थी; ते यहोवाए मेरे ज़ोनेरे मुताबिक मेरे लेई कियोरूए। 28 एल्हेरेलेइ अवं भी तैस यहोवा जो देतीं; कि तै अपने ज़िन्दगी भर सिर्फ यहोवारो सेवक राए।" तैखन तैनेईं तैड़ी यहोवारी आराधना की।