45 दाऊदे पलिश्ती योद्धा जो ज़ोवं, "तू त तलवार, भालो ते बलम ट्लेइतां मीं कांजो एवरोस; पन अवं सेनारे यहोवारे नंव्वे सेइं तीं कां एइताईं, ज़ै इस्राएली सेनारो परमेशरे, ते तैए तीं ललकारोरोए। 46 अज़्ज़ेरे दिहाड़े यहोवा तीं मेरे हथ्थे मां केरेलो, ते अवं तीं मारेलो, ते तेरी क्रोड़ी तेरे रिगले करां अलग केरेलो; ते अवं अज़्ज़ेरे दिहाड़े पलिश्ती सेनारी लाशां अम्बरेरे च़ुड़ोलन देलो ते जंगली जानबरन। तैखन सैरी धेरतरे लोक सेमझ़ी गाले कि इस्राएले मां अक परमेशरे। 47 ते ई सारी मण्डली सेमझ़ी गाली कि यहोवा तलवार या भालेरे ज़िरिये ज़ींत न दे, एल्हेरेलेइ कि जंग त यहोवारी आए, ते तैए तुसन इश्शे हथ्थे मां केरेलो।"