Dipãrtats-vã di Imoralitatea Sexualã
12 "Tuti suntu nvoljiti trã mini," ma nu tuti suntu di ufelii. "Tuti suntu nvoljiti trã mini," ma mini nu va mi bag tu domniljea a vãrui lucru. 13 Voi dzãtsets, "Mãcãrili suntu ti pãnticlu sh-pãnticlu easti ti mãcãrili, ma Dumnidzãlu va li afãniseascã sh-atsel sh-aesti." Iarã truplu nu easti trã putãnsiri, ma trã Domnul sh-Domnul trã truplu. 15 Nu shtits cã trupurili a voastri suntu mãdularili a Hristolui? S-fatsi s-li mut mãdularili a Hristolui shi s-li mpriuneadzã cu mãdularili a unei putanã? Pute s-nu hibã!
18 Dipãrtats-vã di putãnsirea! Cathi amãrtii, itsido tsi fatsi un om, easti nafoarã di trup, iarã atsel cai putãnseashti, amãrtiseashti cãtrã truplu a lui.