Mateu 4

Protslji Ucenitsi

18 Cãndu ma fudzea ningã amarea a Galileiljei, Isusul vidzu doi frats: Simonul tsi s-acljima Petru, sh-Andrea, frati-su, tsi ma arca plãsili tu amari cã eara piscari. 19 Sh-lã dzãsi a-lor: "Haidets dupã mini sh-mini va vã facã piscari di oaminji." 20 Sh-dinãoarã elji alãsarã plãsili sh-lu urmarã.

21 Sh-cum s-dusi ma nclo, vidzu doi altsã frats: Iacovul, hiljiu al Zebedeu sh-Ioanul, fratili a lui, tu varcã deadun cu Zebedeu tatili a lor, tsi ma ndridzea plãsili. Sh-lji acljimã. 22 Elji alãsarã trãoarã varca sh-tatãl a lor shi s-dusirã dupã nãsu.