Mateus 8

Demonizatlu Gadarean

28 Cãndu Isusul agiumsi tu alantã parti tu loclu a Gadarenjilor, lji ishirã nãinti doi demonizats tsi avea ishitã di murmintsã. Elji eara ahãntu turbatsi, cãt nitsunu nu putea s-tritsea pri atsea cali. 29 Sh-ia, elji ahurhirã s-aurlã: "Tsi ai cu noi, Isus, Hiljiu a Dumnidzãlui? Ai vinit aoa s-nã mundueshti ma nãinti di oara tsi prindi?" 30 Sh-nu multu diparti di nãshi un cupii mari di portsi ma pãshtea. 31 Atumtsea demonjlji s-rugarã a lui: "Macã nã aĝuneshti, alasã-nã s-intrãm tu atsea cupii di portsi." 32 Elu lã dzãsi a lor: "Dutsets-vã!" Ashã elji dupã tsi ishirã, intrarã tu atsea cupii di portsi. Ia, tutã cupia s-arcã di ripã tu amari, shi s-nicarã tu apã. 33 Atselji tsi lã pãshtea fudzirã tu cãsãbã sh-cãndu agiumsirã aclo spusirã tuti aesti, sh-atsea tsi avea undzitã cu demonizatslji. 34 Atumtsea, tutã cãsãbãlu ishi nãintea a Isusului. Cãndu lu vidzurã lji si rugarã tsi s-dipãrta dit loclu a lor.