Mateus 8

Tsenturionlu al Capernaum

5 Cãndu Isusul intrã tu Capernaum, lji vini un tsenturion pãrãcãlsinda, 6 shi lji dzãsi: "Doamne, sclavul a meu easti ashtirnat la casã paralizat sh-ma s-mundueashti multu." 7 Sh-Isusul lji dzãsi: "Va yin sh-va lu vindicã." 8 Tsenturionlu lj-apãndisi: "Doamne, mini nu escu axiu tsi tini s-intsri tu streaha a mea, ma dzã mash un zbor shi sclavlu a meu va s-vindicã. 9 Cã sh-mini escu un om sum autoritatea altsãlor, sh-lji-am suldatslji sum mini. Ma s-lji dzãc a unui: ‘Duti!’, elu s-dutsi, shi ma s-lji dzãc a altui: ‘Haidi!’, elu yini, shi ma s-lji dzãc a sclavlui a meu: ‘Fã aestã!’, elu u-fatsi." 10 Cãndu Isusul avdzã aestã, s-ciudisi sh-lã dzãsi atsilor tsi lu urma: "Dealihea ma vã dzãc, cã iuva tu Israel nu aflai un pisti ahãntã mari. 11 Mini ma vã dzãc cã multsã va yin di la rãsãrit sh-di la ascãpitat, sh-va s-apunã la measã cu Abrahamul, cu Isacul sh-cu Iacovul tu amirãriljea a tserurilor, 12 ma hiljilji a amirãriljei, atselji aleptsã di la Dumnidzãlu, va hibã arucats tu scutidlu di nafoarã. Aclo va hibã plãngul sh-cãrtsãnirea a dintsãlor." 13 Atumtsea Isusul lji dzãsi a tsenturionlui: "Du-ti, shi s-facã ashã cum pistipsishi!" Sclavul s-vindicã tu atsea oarã.