2 Vakolindo 11

23 Wuli, vene ndi vandumindumi va Kilisito? Na nene ndilonga ngita munya lukwale, nene ndi mnyigendwa mnofu va Kilisito kuchumba vene. Nene ndigita kasi ng’angafu kuchumba vene, nene ndikawopilwe mukiwopo mala chongofu na nditovilwe mala chongofu na ndikali pepi kufuwa mala chongofu. 24 Mala chihano ndikatovilwe ndomondo kyumi chidatu na nyigonza na Vayawudi. 25 Ndikatovilwe ndomondo mala chidatu na Valoma na ndikatovilwe maganga mala yimwi neke vanidocha na mala chidatu ndikadenyekiwe na wato muinyanza na ukoya ndikakalile meho muinyanza lumiye lyonda na kuhuwa pamuyi lyonda. 26 Mulugendo lwangu, ndikali pepi kufuwa kwa kusung’wa na malenga ga ulava, ndikali pepe kufuwa na vang’oko na ndikalipepi kufuwa kuhumila na lukolo vangu Vayawudi kuhumilana na kumdikila Kilisito na ndikali pepi kufuwa mumwani vangu na ndikali pepi kufuwa lya mudasi na ndikali pepi kufuwa muinyanza na ndikali pepi kufuwa kwa kugudiswa na vakolo va udesi. 27 Ndikagitile kasi ng’angafu na kugudika na ndikakalile ngajila kugona mala cholofu na ndikakali na njala na ng’elu mala chongofu, mala chongofu ndiyimile kuliya, mala cholofu ndikakalile mung’ala na sendikali na myenda gya kwigubika mung’ala. 28 Pamwi na ago gyonda, kila kigono ndihocha pakyanya lya mapinga gyonda gya vanu vevamudikiye Kilisito.