Hebreus 12

Nguluvi ndi Daada vetu

1 Nefwe tuchungutilwe na lipinga likomi lya vaswida. Ndeni kuheche kila kinu kyekitukanila na sambi yila yetung’ang’anila, tunyile kwa luhuvililo mumasindano gyetuvikilwe. 2 Tumfutuliye meho Yesu yetumdikila kuhuma pamwandi mbaka kumwiso. Kwakuva lya lukeduko yeikali ikumchindila akahuvilile kipindilihicho, seakawonile nyoni kipindilihicho na nondee akalile lubali lwa liwoko lwa ndewo lwa kigoda kya ung’achale kya Nguluvi.