3 तत्यार अब्राम पाये पड़ीन भगवान काजे आंध्यु ने भगवान कह्यु, 4 तारे साते मारु वादु असु छे की, तु बेसका जातीन माणसेन डाहलु बास कहवायसी। 5 हंय सी तारो नाव अब्राम नी रवे बाकुन अब्राहम रवसे, काहाकी मे तुसेक बेसका जातीन डाहलु बास बणावलु छे। 6 मे तारु बेसकु वेल अधाड़ीस, मे तुसे जाती-जातीन डाहलु बास बणायस ने तारा अवल्यात मां राजा बणसे।
7 मे तारे ने तारा आवणे वाळा अवल्यात साते पीड़ीडीट असु वादु करों की तारे ने तारे पछेन आवणे वाळान अवल्यातेन बी भगवान रय्स। 8 जो कनान देस छे, जां तु परदेसी बणीस रवे, जो देस तुसे ने तारे पछेन आवणे वाळा अवल्यात काजे जलेमकी अवल्यात रवसे, ने मे तींद्रु भगवान रवीस।17:8 नेवताळान काम 7:5
9 तत्यार भगवान अब्राहम सी कह्यु, "तु ने तारे पछेन तारा अवल्यातेन माणसे मारा वायदाक छाचलीन लीन चालता रवजु। 10 तारे ने तारे पछेन वाळा अवल्यात साते मारु जु वादु छे ने जीनाक मान्नु जरुड़ी छे; तुंद्रे मां हरेक पुर्यान फतरी काटा कराड़े।17:10 नेवताळान काम 7:8; रोमीयो 4:11 11 ने तुहुंं तुंद्री फतरी काटाड़जु, असुत मारे ने तारे ईचमां वादु करनेन सहलाणी रवसे।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)