माणसे हुकुम तुड़े
1 यहोवा भगवान जत्रा जंगली जानवर्या बणावलु, तीनु आखाम सी घड़सु कदर्यु हतलु, ने चु तीनी बायर काजे कह्यु, "तुहुंं वाड़ीम काहना बी झाड़कान फळ घुण खाजु।" करीन भगवान तुहुंंक छाचलीन कह्लु काय?3:1 उजेंता बुले 12:9
4 तत्यार घड़सु तीनी बायर काजे कह्यु, "तुहुंं छाचलीन नी मरु! 5 भगवान काजे मालुम छे की, तीने दाहड़े तुहुंं ईना फळ काजे खासु, तीनेत दाहड़े तुंद्रा डुळा उघड़ी जासे, ने तुहुंंक भलायन ने कुहराय्न अक्कल जड़ जासे, ने भगवानेन तसा बण जासु।"
6 कुहर्या घड़सान वात सामळीन बायर तीना झाड़का भीणी देखी: ती तीनीक चो झाड़को बेसको वारु देखाये। तीनीक असो लाग्यो ईना झाड़कान फळ ते खाणे वाटे वारु सवादो लाग्से, ने अक्कल जड़से करीन वारु रवसे। अळी ची तीना झाड़कान फळ तुड़ीन खादी, ने तेरा घरवाळाक बी देदी ने चु बी खादु।