7 ईनु वातेन पछे हयो की तेरा मालीकेन घरवाळी युसुफ भीणी देखी ने कय, "मार भेळे सुव।" 8 बाकुन युसुफ नीकारु करतु जाय्न आपसी मालीकेन काजे कह्यु, "सामळ जतरी बी रकम ईना घरमां छे। तेरे वाराम मालीक काजे काय बी मालम नी हय, ने मालीक आखो काय मारे सुपरुत कर देदलु छे। 9 ने ईना घर मां, मारु मालीक, आखी रकम पर मेसेक हक आपलु छे, बाकुन तार पर मारु काय बी हक नी हय; तेरेमां मे तारे साते सोवसार करीन, यहोवा भगवानेन नींगा मां पाप नी करों।" 10 ने असो हयो की ची दाहड़ीन युसुफ सी वात करती रय, बाकुन हयु नी गुयु ने तेरी वात नी मान्यु की तेर भेळे सुवे ने भेळे रहे।
11 एक दाहड़े असो हयो की युसुफ आपसान काम करने घरमां गुयु, ने घरेन पावर्या मां सी कुय बी नी हतलो। 12 तत्यार ची तेरा पुथल्या धरीन कय, "मार भेळे सुव," बाकुन चु आपसान पुथल्या तेर हातेम छुड़ीन ढास्यु ने बाहर नीकळ्यु ज्यु।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)