12 पछला दाहड़ा मां तारी मेर वारु पाकी, बाकुन हय सी तारी मेर वारु नी पाके, धरती पर तुसेक घर बणायन नी रवाये ने उजाड़्यु जां वां भटकायतु फीर्या करसी।
13 तत्यार केन यहोवा भगवान सी कह्यु, जु डंड बेसकु भारी छे, मेसेक नी सेण हवे। 14 सामळ, तु मेसे काजे खेत मां सी नीकाळ देदु, ने मे तार सी छेटु रय्स, ने धरती पर मेसेक घर बणाय्न नी रवाये ने मे उजाड़्यु जां वां भटकायतु फीर्या करीस, ने जु काहनुक बी मेसेक देख्से चु मेसेक मार नाखसे।
15 तत्यार यहोवा भगवान केन काजे कह्यु, "मे तु कह्यु तसों नी हवणे दम। कदी काहनुक तुसेक मारसे, ती मे तीनाक सात गुणा डंड आपीस।" ने अळी यहोवा भगवान केन पर एक सहलाणीन छाप लगाड़ देदु। जु सहलाणीन छाप जो देखाड़तेलु की, केन काजे काहनु नी मारनु चाहजे। 16 तत्यार केन यहोवा भगवानेन चां सी जात रयु, ने नोद नावेन देस मां रवणे बाजी गुयु, जो अदन मुलुकेन उगवणो हतलो।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)