युसुफ खुदेन बारामां आपसान भायस काजे देखाड़े
1 यहुदान वात सामळीन युसुफेन काठु-जीव नी हयु, ने चु उतवाळ्युत आखा पावर्या काजे आयड़ीन कह्यु "जां सी खयड़े जाती रव।" आखा खयड़े जाती रया ने अळतेन युसुफ आपसा वाराम आपसा भाय अगळ कय देदु। तीने टेमे युसुफ पुठ्ये तेरा भायसेक छुड़ीन कुय नी हतलो। 4 अळतेन युसुफ आपसा भाय काजे अळी कह्यु, "मारे साते आवु।" ज सामळीन चे युसुफ साते गुया। ने युसुफ तीनुक कह्यु, "मे तुंद्रु भायस युसुफ छे, ने तुहुंं मेसेक मीसर देसेम जाण्या वेपारी काजे वेच देदला, ने चे मेसेक जां ली आवला। 5 हंय मां घाबरायु। ‘हामु ते ईनाक वेच देदला’ करीन आपसा पर मां कीचवायु; काहाकी भगवान तुहुंंक काळ मां सी बचाड़ने करीन, पेहेल सीत मेसेक जां मकेल्लु छे।
15 अळतेन युसुफ रड़तु जाय्न आखा भाय काजे गुळु देदु ने तीनुक बाथलाटीन रड़्यु: ने अळतेन तेरा भायस तेरे साते वात करने बाजी ज्या।