उबजाणनी किताप 6

13 तत्‌यार भगवान नुह काजे कह्‌यु, "आखा माणसे धरती पर रीस ने खुन-खराबु कर र्‌या।" तेरेमां मे तीनु आखा जीवतेला जीव काजे धरती पर सी सार दीस। 14 ने तु गोपेर नावेन झाड़कान लाकड़ान ढंड्‌यो बणाय ले। तीना ढंड्‌या मां खुणा बणावजी, ने माहे ने बाहर डमर्‌ये सी नीप देजी। 15 "ने ढंड्‌या काजे असो बणावजी: चो तीन सोव हात नांबो, ने पचास हात चवड़ो, ने तीस हात उचो हवणु। 16 ढंड्‌यो दुय माळ्‌यो बणावजी: तेरेम चे हीस्‌सा रवसे। नेचलु हीस्‌सु, ईचमाळ्‌ळु हीस्‌सु, ने उपेरलु हीस्‌सु। ढंड्‌या पर ढुपु बी बणावजी, ने ढुपा सी एक हात नेची खीड़की बणावजी। ने ढंड्‌यान एक धड़े बारनो बणावजी।