6 ने जत्‌यार चाळीस दाहड़ा हय ज्‌या ती नुह ढंड्‌यान खीड़की उघाड़्‌यु, 7 ने एक कागळाक उडाड़ देदु, ने जत्‌यार लग पाणी धरती परुन सुक्‌यो नी तत्‌यार लग कागळु अथुन-अथु फीरतु रह्‌यु। 8 पछेन अळी आपसा धड़े सी एक पेरवा काजे बी उडाड़ीन देख्‌यु की पाणी कम हय ज्‌यो की नी। 9 ती तीना पेरवा काजे पाय मेकणेन काय जागु नी जड़्‌यु ती ची पछीत नुह धड़े आय गुय, काहाकी आखी धरती पर पाणीत सी भरलो हतलो तत्‌यार चु तीनीक अघु हात करीन आपसा ढंड्‌याम भर लेदु। 10 तत्‌यार अळी नुह सात दाहड़ा लग थुब्‌यु ने अळी पछु तीना पेरवा काजे ढंड्‌याम सी उडाड़ देदु। 11 ती चु पेरवु सांती वेळाय पछी तेर धड़े आय गुय, ने ची आपसी मुंहडाम जेतुन नावेन झाड़कान एक ताब्‌लु पालु लीन आय, तेरेसी नुह जाण लेदु की पाणी धरती पर उस्‌टी गुयो। 12 पछेन अळी हयु सात दाहड़ा लग वाट देखीन तीनात पेरवाक उडाड़्‌यु ने ची पछी कदी नी आवी।