João 11

Ikuu lazaru

1 Inji ri nye a ran lo, nde wan a he lazaru riwa a zhu ri Batani igbu wa meremu ri vayi wan vru wa marta. 2 Meremu nye riwa vayi wan lazaru riwa a lo wawu nye a gban dza Bachi ri nye ri ro ran se za wan ri nfutu wan. 3 Ri mba ka ti miri vayi wan mirimba ndu no wa la Yeso,<Bachi > Ikpan wen riwa wu nyɨme ri wu ri lo.

4 Riwa Yeso a wo nganyi ran tre, lilo nyi a ran ri wuu Lazaru ran, onhon a he ri nkpen Izhi riwa ivren Izhi ri fe nkpen rimi wan.>>

5 Yeso ri nyɨme ri marta nga vayi wan vruwa ri lazaru. 6 Rwa Yeso a wo ri lazaru a ran he ri si kpa ran ka bru son ri bubu riwa a he ti vi hari. 7 Ngha ran la miri ndu wan ri ki bru hi ri gbu Yudiya.

8 Miri ndu wa ka tre ri wu,<<A wu nji riko ivi-ri nyi nye Yaudiwa wa wa nkon wa ri ta-u ri tita wu bru hi gbu nga ri!>>

9 Yeso ka tre riwa ri, <<A ran he awa wurudon hari nye ri vii riri ran? Ko ngaa ri zren ri kpan Izhi a ran kɨbu dza ran ritu ari to kpan mgbumgbulu me nye. 10 Ama ko ngaan ri zren ri chu a ri kɨbu dza ritu ikpan tsu a ran he ri wu ran!>> 11 Kugon riwa a tre nganyi ran bru la wa miri ndu wan ikpan mbu lazaru a kru naa ama me hi miri shɨme-u.

12 Imiri ndu wan wa ka tre ri,<Bachi a he kruna nye, ari fe si kpa.>

13 Yeso a ran tre ritu kuu wan, ama imiri ndu wan wa yonga a ri tre ritu kruna ri son vri. 14 Imba Yeso ka la wa a he njanji,<Lazaru a kuu, 15 nga ritu mbi me ngiri, me ran he bubu wan ran ritu bi ri kpa nyɨme ama ki hi ri wu.>>

16 Mba Toma riwa wa yo-u ivren ri ngareka tre ri mgbron miri ndu ri,<Ki hi ngawan, ki ri kuu ri wu.>

Itashɨme Yeso Ngha Vɨri

17 Riwa Yeso ka zhu bubu wan, ka to Lazaru a ti vi nza ri bubu gru. 18 Batani a he hyure-hyureri Urushalima a ri he ka mile hari, 19 nji Yahuda branbran wa ka ye ritu wa ri no Marta nga Maryamu isi stron ritu kuu vayi mba.

20 Riwa Marta a wo Yeso ri ye a zhu raa ran dzon wu ri nkon ama Meremu ka son rimi ko. 21 <Bachi,>Marta ka tre ri Yeso he ri nyi vayi won ran ran kuu ran. 22 Ama me to ri zizan Izhi ri no-u kya riwa wu miyen:>>

23 Yeso ka tre ri wu vayi wen ri wulunde.

24 Marta ka tre ri Yeso,<<Me to a ri wulunde ri wa kuu ri vi riwa ari kre.>>

25 Yeso ka tre riwu ri, <<Ame nye me he tashɨme wawa wa kuu, nji riwa a kpanyɨme ri me, ko a kuu a ri son vri, 26 nga nji riwa a kpanyɨme ri me a ran kuu ran. Wu kpanyɨme ri rinyi?>>

27 Marta ka tre ri Yeso ri,<< Bachi me kpa nyɨme ri a wu wu he Kristo ivren Izhi wa wu nye riwa a ri ye ri mgbumgbulu me.>>

Yeso a Yii

28 Riwa a tre nganyi Marta ka bru ye ran yo vayi wan vruwa Meremu ri gran nji ri tsro a he ri nyi ka yonga ari mɨyen wu. 29 Riwa Meremu a wo nga mba ka wulunde gbagbla ran hi ri wu. 30 Yeso a ran hi ri gbu ri ran a he ri bubu riwa Marta a fe wu. 31 Riwa nji Yahuda wa he ri Marta ri ko wa ran no si sron wa ka to Meremu a wulunde gbagbla zhu ko wa ka hu ran yonga a ri hi bubu gru nye riwa a ri yi kuu wan.

32 Riwa Meremu a zhu bubu riwa Yeso he, ka to-u ran joku ri kusi wan ran tre ri wu,<<A wu Bachi, riwa wu ri he, vayi won ran ran kuu ran.>>

33 Riwa Yeso a to-u a ran yii nji Yahuda riwa wa ye riwa ngawen wa ran yii, ka lo stron. 34 Yeso ka tre riwa,<<Bi ka-u yo ri menyi?>>Wa ka tre ri wu,<<A wu Bachi ye wu ri to.>>

35 Imba Yeso ka yii ima si. 36 Ri mba nji Yahuda wa ka tre,<<To bibi riwa a nyɨme ri Lazaru.>>

37 Ama wa ri rimi mba waka tre, <<A ran he wa wu riwa a bu si nji riwa a ti nfyen ran? ritu ngye ko a ran kpa Lazaru chuwo ri kuu ran?>>

Yeso a ta Lazaru Shɨme ri Kuu

38 Rimba isron Yeso ka time, ka ye bubu gru, bubu gru a he tita nye wa ka nyun wan ri wu. 39 Yeso ka tre ri Marta vayi Lazaru riwa a kuu-a ri, <<Ban tita-a zho!>> Ka tre ri, <<Bachi, ari mɨwi gigla. A ti vi nza riwa wa no yɨbi!>>

40 Ri mba Yeso ka tre ri wu ri,<<Me ran la wu ran riwu kpa nyɨme wu to nkpen Izhi ran?>>

41 Mba wa ka tru tita yo gran Yeso ka zun si ban shu ran tre,<<A wu A ti me ngɨri riwu riwa wu wo wen. 42 Me to wu si wo wen chachu, ama me tre rinyi ritu nji wawa wa kri nde riwa no wa kpa nyɨme a wu nye wu ti wen ndu.>> 43 Riwa a tre nganyi Yeso ka kpagro yo-u ri,<<Lazaru shɨme ye!>> 44 Ngha Lazaru ka shɨme ye ri tsro kuu riwa wa nye-u, wa nye si wan ri tsro, Yeso ka tre,<<Si tsro mba zho ri wu nga bi ri no hi ngawan.>>